Awuye 1:18 - AHYERƐLƐ KRONGRON

¹⁸ “AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 1:18 Iomraidhean Croise

1 Ahemvo 13:21

na ɔfa tole Nyameɛ sona bɔ ofi Yuda wale ne nyunu kyɛ, “AWURADE nwa nyoo: Ɔnate kyɛ ahwi afa AWURADE dwirɛ so, ná anni AWURADE wɔ Nyameɛ mmeraa dwirɛ bɔ ɔhyɛle wɔ ne aso,

Ɛsra 9:13

Yɛ bɔne ne y’amumuyɛɛ kandinga ne ati yeɛ ɛhemɔ atoto yɛ ɔ. Nakoso ɛhe asi ye po, wɔ, yɛ Nyameɛ, y’amumuyɛɛ nwo asohwenɛ bɔ afa ama yɛ ne ɔte kãa, na ama yɛ ngaa ne yanya yɛ ti yadidi nu.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Edwein 107:11

Ofikyɛ bɛyɔle Nyameɛ dwirɛ nwo lɔen, na bebuli Anwuro Anwuroniɛ ne nhyehyɛleɛ animtia.

Edwein 119:137

Ao AWURADE, ɛtengyɛ, na wɔ ndɛenbualɛ te turoloo.

Edwein 119:75

Ao AWURADE, mese kyɛ wɔ ndɛenbualɛ te turoloo, na ɛnate nahorɛlilɛ so ahwe me so.

Edwein 145:17

AWURADE tengyɛ wɔ bɔ ɔyɔ ɔ amukoraa nu, na ɔte krongron wɔ ye nnwumaa amukoraa nu.

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Yeremia 12:1

Ao AWURADE, sɛ mebɔ wɔ kwaadu a, edi be kaenn. Nakoso maa mva me dwirɛ ndo wɔ nyunu. Nzu ati yeɛ oyie bɔnefoɛ yé e? Nzu ati yeɛ ngɔngɔnzaafoɛ amukoraa bɛ so anu atɔ bɛ ɔ?

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Yeremia 4:17

Bapɛ ye nwo bayia kyɛ ahwɛsofoɛ bɔ bɛnea eboo ɔ, ofikyɛ wayɛ me nwo lɔen, AWURADE noa dwirɛ ɛne.

Yeremia 49:12

Na AWURADE nwa nyoo, “Tie, sɛ bɛ bɔ ahaa onni kyɛ bɛno sɔ kwangoa ne (anoa) po bano amba a, né aso wɔ de ɛkɔfa wɔ nwo koli anaa? Ɛngɔfa wɔ nwo ngoli, na mmom amba, ɛkɔno kwangoa ne (anoa).

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Awuye 3:42

“Yayɛ amumuyɛɛ, yeɛ yayɛ lɔen, na amva angyɛ.

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:7

O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.

Amose 8:13

Sɔ kyẽa ne, nzuhɔen kɔma ndaluwa anwonyemene ne mmerandeɛ bɛ nye so koburu bɛ.

Sefania 3:5

AWURADE bɔ ɔwɔ ye nu de, ɔte teneneeniɛ, ɔnyɔ bɔ ɔtte mayee ɔ, ngyerɛmɔ biala ɔda ye pɛpɛɛpɛyɛlɛ ali, bɔ ɔnyakyi ye yɔlɛ koraa ɔ; nakoso bɔnefoɛ mɔ de, bɛnze nyanzoen.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”