Awuye 1:16 - AHYERƐLƐ KRONGRON

¹⁶ “Sɔ nningyein nemɔ ati yeɛ mesu ye; me nye moen poro nzue, ofikyɛ aworakyekyerɛniɛ bɔ odi kyɛ ɔkyekye me kra wora ne, ɔwɔ dedeede.” Waha me mma mɔ angome oo, ofikyɛ pɔfoɛ ne ali ngonim.

Awuye 1:16 Iomraidhean Croise

Edwein 106:42

Bɛ pɔfoɛ mɔ hyɛle bɛ so, na belili bɛ so tumi maa bewurale bɛ bo.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Edwein 69:20

Alapaa ama me wora abɔ, maa ɔnate so wabɔ me anwonyerɛ. Ahaa mepena sona bɔ ɔkɔdodo me ɔ, nakoso mbaen ɔ; yeɛ ahaa mepena aworakyekyerɛfoɛ, nakoso mannya ko po.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Yesaya 54:11

“O wɔ bɔ edi yealɛ, bɔ mvrama atu afĩ wɔ, bɔ ebiala ngyekye wɔ wora ɔ, tie, ngɔfa nyɔboɛ nyemenenyemene yeɛ ngosisi wɔ sua mɔ ɔ, na ngɔfa nyɔboɛ bɔ oli safire ngɔto wɔ fapem ne.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 14:17

“Yiti kã sɔ dwirɛ he kyire bɛ: ‘Ma me nye ɔporo moen kɔngɔen ne eyia, nnɛma ye bo pɛ; ofikyɛ me maen awa brasua ababunu ne, babɔ ye bato ase buramm; bapura ye piri paa.

Yeremia 15:5

“Ao Yerusalem, nwa yeɛ okonwu wɔ anwumvoin ɔ, anaakyɛ nwa yeɛ ɔkɔdodo wɔ ɔ? Nwa yeɛ ɔkɔpɛne ye nye kobisa wɔ kyɛbɔ wɔ nwo si te ɔ?

Yeremia 8:18

M’anigye atu amini, aworabɔlɛ atira me, me kra wora abɔ wɔ me nu.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:21

Ofikyɛ ewue afo waagyina yɛ mboma mɔ anu, wawura y’ahemvie mɔ anu, kyɛ ɔbaahũhũ ngwadaa nemɔ fi dwaa nemɔ aso, yeɛ mmerandeɛ nemɔ fi mmorɔnoɛ nemɔ aso.

Awuye 1:2

Osũ hahii kɔngɔen, ɛmoen songyi ye nye abo, na bɛ bɔ bekuro ye ne amukoraa, onnya bɛ nu ko po mma ɔngyekye ye wora; ye mmango amukoraa bali ye ngasi, na bakakyi ye pɔfoɛ mɔ.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 2:11

Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Awuye 2:18

B’ahone sũ frɛle AWURADE. Ao Sion awa brasua fasue, ma wɔ nye moen poro gua kyɛ asue eyia ne kɔngɔen. Nnɛde wɔ nwome, yeɛ nnɛma wɔ nye kyiremvua yakyi suɛ.

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!