Awuye 1:11 - AHYERƐLƐ KRONGRON

¹¹ Ye mmenia amukoraa bedi yealɛ, bɛpena aleɛ; bafa bɛ nningyein nyemenenyemene ne basesã aleɛ bama bɛ kra nwo atɔ ye. “Ao AWURADE, nea ná nwu ye, ofikyɛ bebu me animtia.”

Awuye 1:11 Iomraidhean Croise

2 Ahemvo 6:25

Ɔnate kyɛ ɔhɔle so tuale Samaria ne ati, ɛhɔen pohonandafe bie wale kuro ne aso. Ɔnate so, né bɛfa afunum ti ko bede ɛdwetɛ sekel aburawɔtwɛ, yeɛ né bɛfa abubure ye bondua kongo bue bede ɛdwetɛ sekel nnu.

YOB NWOMAA NE 40:4

“Nahorɛ nu, nnde huu! Ɔkɔyɛ sɛɛ né manya mmuayɛɛ mama wɔ? Mafa me sa mato me noa.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Yeremia 15:19

Yiti bɔ AWURADE kã ɛhe: “Sɛ esa wɔ si ɛba a, ngosa ngole wɔ, na ekoogyina me nyunu. Sɛ ɛkã edwirɛ bɔ odi mu, ná angekã edwirɛ mbaen mbaen a, ye de, ɛkɔyɛ kyɛ me kyeame. Bɛ yeɛ bekosa bɛkɔwa wɔ berɛ ɔ, nna wɔ yeɛ ɛkɔhɔ bɛ dɔ ɔ.

Yeremia 19:9

Ngɔmaa bɛkɔpɛ bɛ nwo bekoli bɛ mma mmienzua ne bɛ mma mmrasua mɔ naen. Na ebiala koli obiɛngo naen, ɔnate kuro ne bɔ batua ye, ɔne amaneɛ bɔ bɛ pɔfoɛ mɔ bɔ bɛpena bɛ beku bɛ ne, bamaa wato bɛ ne ati.’

Yeremia 38:9

“Nana, me mene, bɔ mmenia hemɔ bafa bali ngɔmhyɛlɛniɛ Yeremia ne amukoraa, bayɔ bɔne. Bafa ye bato kumaa nu kuku nu kyɛ ɛhɔen hu ye maa owu wɔ nekaa bɔ ɔwɔ ne, ofikyɛ aleɛ biala nne kuro ye anu.”

Yeremia 52:6

Na bosome nna ne anu, ye ɛlɛhona ne aso, ɛhɔen ne noa yɛle hye paa wɔ kuro ne anu bɔ né aseɛ ne aso ama bennya aleɛ benni koraa ɔ.

Awuye 1:8

Yerusalem ayɔ bɔne paa, yiti ye nwo agua fiɛ. Bɛ bɔ né bebu ye ne amukoraa, bebu ye animtia, ofikyɛ banwu ye nwo; amba ye bɔbɔ deinn ogua anwongokoɔ, na wakakyi ye si.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 2:11

Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Awuye 2:12

Bebisa bɛ maame mɔ kyɛ, “Nisua yeɛ aleɛ ne nzaa wɔ ɔ?” Mmerɛ bɔ bɛ nye so buruli bɛ kyɛ mmenia bɔ bapura wɔ kuro berɛ dwaa nemɔ aso; mmerɛ bɔ bɛka nu wɔ bɛ ni mɔ sa so ne.

Awuye 2:20

Ao AWURADE, tie, ná dwene bɔ afa ɛhe ali ye ne anwo. Aso odi kyɛ mmrasua beku bɛ kunu mmaa bɛto bedi anaa, bɛ mma bɔ badodo bɛ ɔ? Aso odi kyɛ beku ɔsɔfo ne ngɔmhyɛlɛniɛ wɔ AWURADE nekaa krongron berɛ anaa?

Awuye 5:1

Ao AWURADE, kaye edwirɛ bɔ wato yɛ ye, fa wɔ nye to, ná nea y’animguaseɛ ye.