Awuye 1:10 - AHYERƐLƐ KRONGRON

¹⁰ Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Awuye 1:10 Iomraidhean Croise

2 Aberɛso Dwirɛ 36:18

Nyameɛ awuro berɛ nningyein mbiri mbiri ne mmaa mmaa, nningyein bɔ ɔwɔ AWURADE awuro berɛ nekaa bɔ bɛfa nningyein besie ne, yeɛ Nana Sedekia ne ye mbanyi bɛ nningyein, Babilɔn hene sesale, na ɔfale ye mukoraati hɔle Babilɔn.

Nehemia 13:1

Sɔ kyẽa ne, bɛkengale Mose nwomaa ne anu dwirɛ behyirele maen ne. Na benwuni kyɛ bahyerɛ ye wɔ nu kyɛ onni kyɛ Amonniɛ anaa Moaboniɛ biala ɔkɔ Nyameɛ badwa nu le,

Yesaya 63:18

Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.

Yeremia 15:13

“Ɔnate wɔ bɔne amukoraa bɔ ayɔ ye wɔ w’aseɛ ne aso amukoraa ne ati, ngɔfa w’anwonyadeɛ ne wɔ sikaa ngɔhyɛ maa bɛkɔfẽ ye mbaen.

Yeremia 20:5

Asa koso, ngɔfa kuro ye anu anwonya mukoraa, nu agyapadeɛ amukoraa, nu nningyein bɔ ye nyɔboɛ yɛ se amukoraa, ɔne Yuda ahemvo mbembenanneɛ amukoraa ngowura bɛ pɔfoɛ mɔ sa. Na bɛkɔfẽ bɛ nningyein bɛkɔhye bɛ bɛkɔfa bɛ bɛkɔhɔ Babilɔn.

Yeremia 27:19

Ofikyɛ bɔ AWURADE kã fa mbuna nemɔ, ayaa ne, nyinasoɛ nemɔ, ɔne nningyein ngaa bɔ waha kuro he anu,

Yeremia 27:21

Nahorɛ nu, edwirɛ bɔ Asafo AWURADE, Yisrael Nyameɛ ɔkã fa nningyein bɔ waha AWURADE awuro berɛ, Yuda hene ahemvie ne Yerusalem nwo ole kyɛ:

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Yeremia 51:51

‘Yɛ nyunu agua ase, ofikyɛ yate nzoaa pepɛlɛ, animguaseɛ abia yɛ, ofikyɛ ɛwɔfoɛ mɔ bawa AWURADE awuro berɛ nekaa krongron nemɔ anu.’

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Awuye 1:7

Na Yerusalem ye anwokyere ne aworabɔlɛ mmerɛ nu, ɔkayele ye nningyein nyemene amukoraa, bɔ mmerɛ bie né ole ye ne. Mmerɛ bɔ ye mmenia beelili pɔfoɛ ne sa nu, bɔ wannya ebiala maa wammoka ye ne, bɛ bɔ bekyi ye nemɔ benwuni ye, na bɛgorole ye nwo, ɔnate ye asefinɛ ne ati.

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Hesekiel 7:22

Ngɔye me nye ngɔto buro bɔ mengɔtɛ bɛ so ɔ, amaa ɔnate so bagua me nekaa krongron ne anwo fiɛ, na awerɔm awuefoɛ kowura nu kogua ye nwo fiɛ.

Hesekiel 9:7

Yeɛ osele bɛ kyɛ, “Ɛ́mɔgua sua ne anwo fiɛ, ná ɛ́mɔfa bɛ bɔ ɛmɔahũhũ bɛ ne béyi aluo berɛ to. Ɛ́mɔsi nu bɛhɔ!” Yiti besili nu bɛhɔle, na behuhuni mmenia wɔ kuro ne anu.

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Deuteronomi 23:3

“Nnɛma Amonniɛ anaa Moaboniɛ biala ba AWURADE badwa nu. Bɛ boso ama bɔ ɔkwaadwu aworɛ ndoatoasoɛ bɔ ɔtɔ so buru po, nnɛma ebiala ba AWURADE badwa nu;

Deuteronomi 23:4

ofikyɛ mmerɛ bɔ né ɛmɔfi Misraim bɛ́ba nen, bamva aleɛ ne nzue bamma anyia ɛmɔ ate. Asa koso Beɔ awa Balaam, bɔ ofi Petore bɔ ɔwɔ Mesopotamia ne, bɛbɔle ye paa kyɛ ɔnoma wɔ.