Awuye 1:1 - AHYERƐLƐ KRONGRON

¹ Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Awuye 1:1 Iomraidhean Croise

1 Ahemvo 4:21

Né Solomon di hene wɔ ahennie amukoraa so, fi asue Yufreti kɔka Filistifoɛ aseɛ noa, maa ɔkɔ alaa kodwu Misraim wɛen so. Betuale toɔ bɛmane Solomon, na bɛsole ye mmerɛ bɔ ɔte ase amukoraa.

2 Ahemvo 23:33

Faro Neko kyekyele ye tole kuku nu wɔ Ribla wɔ Hamate aseɛ so. Wamma wangɔ so wanni hene wɔ Yerusalem, na Faro Neko pɛle ɛtoɔ ɛdwetɛ talɛnde ɛyaa ko, yeɛ esikaa kɔkorɛ talɛnde ko mane Yuda maen ne.

2 Ahemvo 23:35

Yehoakim tuale ɛdwetɛ ne esikaa kɔkorɛ ne mane Faro, nakoso olele ɛtoɔ fili maen ne anu ama berɛ fa tuale ɛtoɔ bɔ Faro wapɛ wama ye ne. Ɔneane maen ne anu ama ebiala ye anwonya so yeɛ ɔfa didele ɛdwetɛ ne esikaa kɔkorɛ ne fili bɛ berɛ ɔ, na ɔfa mane Faro Neko.

2 Aberɛso Dwirɛ 9:26

Né Solomon di ahemvo amukoraa so fi asue Yufreti kɔka Filisti aseɛ so bɔ ɔkwaadwu Misraim ɛwɛen so dɔ ne.

Ɛsra 4:20

Ahemvo atitire lili Yerusalem so, bɔ b’ahennie ne ɔtrɛ hɔle asue Yufreti si dɔ mbɔtam ne aso amukoraa ɔ. Na mmenia tuale ɛtoɔ, ndɔ, ɔne aseɛ nwo toɔ bɛmane ahemvo nemɔ.

Nehemia 5:4

Na né ebiemɔ koso bɛkekã kyɛ, “Ɛtoɔ bɔ odi kyɛ yɛtua yɛma Nana wɔ y’aseɛ ne yɛ bobe boo nwo ne, ɔyɛ a yɛbɔ bosea koraka né yatua.

Nehemia 9:37

Ahemvo mɔ bɔ ɔnate yɛ bɔne bɔ yayɔ ti amaa bali yɛ so ne, bɛ mmom yeɛ bedi aseɛ ne aso aleɛ paa ne ɔ. Bele yɛ nipadua ne y’ayɛmmoa mɔ so tumi. Bɔ bekuro yeɛ bɛfa bedi yɛ ɔ, na edwirɛ piri paa yeɛ wato yɛ ɔ.”

Edwein 122:4

Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

Yesaya 14:12

“O, Alehyeleɛ Nzramaa, Alebahyene ɔwa, ɛtetɔlɛ yeɛ efi nyameɛso ate atɔ ase sɔaa e! Wɔ bɔ elili maen maen mɔ so ngonim ne, aseɛnwo yeɛ bafindi wɔ bato sɔaa ye!

Yesaya 22:2

Kuro bɔ esebɔlɛ ayi wɔ tɛkyɛ, kuro bɔ nu te dede, bɔ anigye wɔ nu ɔ! Wɔ nu mmenia bɔ batotɔ ne, bandotɔ ngrandɛ noa, yeɛ banwu koɛ nu.

Yesaya 3:26

Ye pambim nemɔ kosũ kɔbɔ awuye, bɛkɔla berɛ too, na kuro ne kɔtɔ ase.

Yesaya 49:21

Na afei ɛkɔhã ye wɔ wɔ ti anu kyɛ, ‘Mmaa hemɔ, nwa yeɛ ɔwole bɛ mane me ɔ? Ofikyɛ me mma fili me sa, na nyɛle angonam, bɛhyele me nnure bɛhɔle, bɛpole me, na ɛhemɔ de, nwa yeɛ ɔtetele bɛ ɔ? Nahorɛ nu, ɔhale me ngome, na ɛhemɔ de, befi nisua yeɛ bɛwale ɔ?’ ”

Yesaya 50:5

AWURADE Nyameɛ abukye me so, manyɛ lɔen, yeɛ mangakyi me si mamma ye.

Yesaya 52:2

O Yerusalem bɔ bahye wɔ nnure ɔ, dwɔso poroporo wɔ nwo mvuture ne! O Sion awa brasua bɔ bahye wɔ nnure ɔ, nyangye ngɔnzɔngɔnzɔ bɔ bafa bagua wɔ kɔme ne!

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Yesaya 54:4

“Nnɛsuro, ofikyɛ wɔ nyunu ngogua ase, nnɛmaa ɔyɛ wɔ nya, ofikyɛ animguaseɛ ngɔhã wɔ, ofikyɛ wɔ wora kofi wɔ ndaluwa nu nyanzoen ne, yeɛ wɔ kunalilɛ nu animguaseɛ ne, ɛngɔkaye ye ko.

Yeremia 31:7

Ofikyɛ AWURADE nwa nyoo: “Ɛ́mɔfa anigye bɛ́to Yakob nwo dwein, ná ɛ́mɔbɔ ese bɛ́ma bɔ odi maen maen mɔ so ne; ɛ́mɔbɔ dawure, ɛ́mɔye ye ayɛ, ná ɛmɔhã kyɛ, ‘Ao AWURADE, pepɛ de wɔ maen, Yisrael ngaa ne.’

Yeremia 40:9

Gedalia bɔ ye baba ole Ahikam, bɔ ye baba ole Safan ne, ɔtale ndaen hyirele bɛ ne bɛ koɛhonɛfoɛ nemɔ kyɛ, “Nnɛma ɛmɔsuro kyɛ ɛmɔkɔso Kaldeafoɛ nemɔ ɔ. Ɛ́mɔtena aseɛ ye aso, ná ɛ́mɔso Babilɔn hene, na okoyie ɛmɔ yé.”

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Yeremia 44:2

“Bɔ Asafo AWURADE, Yisrael Nyameɛ kã ɛhe: Ɛmɔanwu musue amukoraa bɔ maprapra magua Yerusalem ne Yuda nguro amukoraa so ne. Na ɛ́mɔnea, ɛnɛ bayɛ kurofoen bɔ ebiala nne berɛ bɔ ɔte so ɔ,

Yeremia 44:6

Yiti me yaafɛlɛ ne m’ahonehulɛ wale, na begyele wɔ Yuda nguro mɔ ne Yerusalem mmorɔnoɛ mɔ so maa babɔ bakakyi kurofoen, kyɛbɔ ɔte ɛnɛ ye.

Yeremia 50:23

Aseɛ ye amukoraa so bɔsobaka ne, nea kyɛbɔ basi bapepɛ nu babubu nu ɔ! Nea kyɛbɔ Babilɔn wayɛ maen maen mɔ nu kurofoen ɔ!

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Awuye 1:19

“Mvrɛfrɛle bɛ bɔ mekuro bɛ nemɔ, nakoso bɛlakalakale me. M’asɔfo ne me mbanyi mɔ, bɛtotɔle wɔ kuro ne anu, mmerɛ bɔ né bɛpena bɛ noa aleɛ ma bɛ kra mɔ nwo tɔ bɛ ne.

Awuye 2:1

Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Awuye 4:1

Nea, kyɛbɔ esikaa kɔkorɛ wasi wapini ɔ! Kyɛbɔ esikaa kɔkorɛ paa wasi wakakyi ɔ! Bato nekaa krongron berɛ nyɔboɛ nemɔ bapanzam wɔ borɔnoɛ biala ngwandaa.

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Hesekiel 26:16

Na afei, ɛpo so ahemvo amukoraa bekodwu ase bekofi b’ahennie bia so, bekopuropuro bɛ ndaadeɛ aguasoɛ, na bekodwa bɛ ndena bɔ bali adwii bagua nu ɔ bekogua berɛ. Ahunundetelɛ kɔtɔ bɛ so, bekopofo aseɛnwo, bɛ nwo kɔwoso bɛ mmerɛ biala, na ɔnate wɔ ti, bɛ nwo kodwiri bɛ.

Hesekiel 26:2

“Sona awa, ɔnate kyɛ Tiro wahã wafa Yerusalem nwo kyɛ, ‘Ehee! Pambim bɔ né maen maen mɔ bɛfa nu bekodi dwaa ne, wabubu. Afei de, dwaa nningyein ne kɔkakyi kɔwa me berɛ; na kekesaala ye bɔ wabɔ ye de, ngonya me nwo,’ ne ati,

Hesekiel 5:5

AWURADE Nyameɛ nwa nyoo: Yerusalem ɛhe; mafa ye magyina maen maen mɔ b’afia, bɔ aseɛ mɔ bapɛ ye nwo bayia ɔ.

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’