Asomafoɛ 9:40 - AHYERƐLƐ KRONGRON

⁴⁰ Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Asomafoɛ 9:40 Iomraidhean Croise

2 Ahemvo 20:11

Yeɛ ngɔmhyɛlɛniɛ Yesaya sũ frɛle AWURADE, na AWURADE mane wawoɛ ne sale ye si agyirɛ buru, wɔ atweleɛ bɔ Nana Ahase sili ne aso.

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 9:25

Na ɔmaa mmenia ne fitele nen, owurale nu ɔɔsɔle abaayaa ne sa, na odwɔsole.

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Luka 22:41

Na ɔhwene ye nwo fili bɛ nwo berɛ hɔle ye nyunu moa kãa nen, obuli ndwerɛ bɔle mbaeɛ kyɛ,

Luka 8:54

Nakoso Yesu sɔle ye sa, na ɔfrɛle ye kyɛ, “Akwadaa, dwɔso!”

Asomafoɛ 20:36

Na ye noa pene ne, obuli ndwerɛ ɔne bɛ mukoraa bɛbɔle mbaeɛ.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Asomafoɛ 28:8

Né ebunu ahye Publio baba ato berɛ; asa koso né ahunundulɛ aha ye. Pɔɔlo hɔle ye berɛ ɔɔbɔle mbaeɛ mane ye, na ɔfale ye sa guale ye so maa ɔtele apɔ.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.