Asomafoɛ 9:4 - AHYERƐLƐ KRONGRON

⁴ Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

Asomafoɛ 9:4 Iomraidhean Croise

Gyenesise 16:8

Na obisale ye kyɛ, “Sarae afaneɛ Hagar, nisua yeɛ efi wale ɔ, na nisua yeɛ ɛkɔ ɔ?” Na obuale kyɛ, “Me mene aye Sarae sa nu yeɛ ménwati méfi ɔ.”

Gyenesise 22:11

Nakoso AWURADE abɔfo ne frɛle ye fili nyameɛso kyɛ, “Abraham! Abraham!” Na osurole kyɛ, “Me ɛhe.”

Gyenesise 3:9

Nakoso AWURADE Nyameɛ frɛle biaa ne bisale ye kyɛ, “Ɛwɔ nisua?”

Ɛksadɔso 3:4

Na AWURADE nwuni kyɛ wamakye wafa dɔ ɔkwaanea nen, ɔfrɛle ye fili ngyɛkyerɛ ne anu kyɛ, “Mose! Mose! Na osurole kyɛ, “Me ɛhe.”

Yesaya 6:8

Na ndele AWURADE komvi kyɛ obisa kyɛ, “Nwa yeɛ nzoma yeɛ ɔ, nwa yeɛ ɔkɔhɔ kɔma yɛ ɔ?” Na nzele kyɛ, “Me ɛhe, soma me.”

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Sakaria 2:8

Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

Numeri 16:45

“Ɛmɔhwe ɛmɔ nwo befi sɔ lɔen he anwo maa nua bɛ boso kekesaala ye.” Na Mose ne Aarɔn fale bɛ nyunu bebutubutuli ase.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Luka 10:41

Na Awurade buale ye kyɛ, “Maata, Maata, ɛdwenedwene, na ɛha wɔ nwo wɔ nningyein pee nwo;

Yohane 18:6

Na mmerɛ bɔ osele bɛ kyɛ, “Me ɛhe” nen, bepimbini bɛ si, na befifini ase.

Yohane 20:16

Na Yesu sele ye kyɛ, “Maria!” Na ɔkakyili ye nwo sele ye wɔ Hebri dwudwolɛ nu kyɛ, “Raboni!” (ye bo kyire Kyerɛkyerɛniɛ.)

Yohane 21:15

Na bedidili beyiele nen, Yesu bisale Simɔn Petro kyɛ, “Simɔn, Yohane awa, aso ekuro me dwirɛ tra ɛhemɔ?” Obuale ye kyɛ, “Yoo, Awurade, ɛse kyɛ mekuro wɔ dwirɛ.” Yesu sele ye kyɛ, “Nea me mmoaen mmaa nemɔ so!”

Asomafoɛ 5:10

Na berɛ ne ala, ɔpɛ fini ye nyunu berɛ wuli. Na mmerandeɛ nemɔ besa bɛwale ne, benwuni kyɛ ye koso wawu; yiti bɛmane ye so bɛhɔle, na besiele ye ohu ne nwo berɛ.

Asomafoɛ 9:5

Na obuale kyɛ, “Wɔ nwa ɛne, Awurade?” Na osele kyɛ, “Me ole Yesu bɔ ɛtane ye nye ne, [ɔyɛ se kyɛ ekotu wɔ gya kɔfa kɔwɔ nandwiehanɛniɛ ye pɔmaa noa buralɛ ɔ],

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

1 Korintofoɛ 12:12

Kyɛbɔ nipadua ne te ko, nakoso ole akwaa ahoroɔ; ná ɔwɔ nu kyɛ akwaa nemɔ sone de, nakoso bɛbɔ nu bɛyɛ nipadua ko ne, sɔ ala yeɛ Kristo te ɔ.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

Ɛfesofoɛ 5:30

Ofikyɛ yɛte ye nipadua n’akwaa.