Asomafoɛ 9:36 - AHYERƐLƐ KRONGRON

³⁶ Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Asomafoɛ 9:36 Iomraidhean Croise

2 Aberɛso Dwirɛ 2:16

Mmakaa biala bɔ ehia ne, yɛkɔpakye yɛkofi Lebanon yɛkogua ɛpo so yɛkɔbrɛ wɔ wɔ Yopa, ná wɔ koso asesa ahɔ Yerusalem.”

Ɛsra 3:7

Ye sɔ ne ati, bɛfale sikaa bɛbɔle suasilɛfoɛ ne bakaa dwumvoɛ mɔ paa, na bɛmane Sidonfoɛ ne Tirofoɛ aleɛ, anonneɛ ne ngoo maa bɛfale sida mmakaa beguale ɛpo so befili Lebanon bɛwale Yopa, kyɛbɔ Pɛsia hene Karose mane bɛ ate kyɛ bɛyɔ ne ala.

Anyandera 5:19

Ɔte dabɔɔ beleɛ anwonyemene ne wanzane beleɛ bɔ ole animnyam ɔ, ma wɔ nye gye ye nyɔfone nwo mmerɛ biala, ná ma ye hurolɛ oli wɔ ti mmerɛ biala.

Edwein Nu Dwein 2:9

Me kurofoɛ ne, ɔte kyɛ wanzane, anaa dabɔɔ akrɔngrɔma. Nea, ye yeɛ ogyi yɛ fasue ne asi dɔ ne, wato ye nye ɔnea mboma ne anu haa, wafa ye nye wafa mboma nu ngandanganda ne anu.

Edwein Nu Dwein 3:5

O Yerusalem ndaluwa, mesrɛ ɛmɔ kitii, mefa ɛwanzane mɔ ne dabɔɔ mɔ meta ndaen kyɛ, nnɛma ɛmɔtingye ehurolɛ, yeɛ nnɛma ɛmɔperepere ye nwo kɔpem mmerɛ bɔ ye bɔbɔ okuro ɔ.

Edwein Nu Dwein 8:14

Me kurofoɛ, bra ndɛndɛ, yɛ kyɛ ɛwanzane, anaakyɛ dabɔɔ akrɔngrɔma wɔ ayirefona mmokaa nemɔ aso.

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

Mateo 25:17

Sɔ ala yeɛ bɔ onyane talɛnde nyɔ ne koso onyane nyɔ bokale so ɔ.

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Yohane 15:8

Na ɛhe anu yeɛ ɛmɔhyɛ me Baba animnyam ɔ, sɛ ɛmɔsu mmaa pee a, na ɛhe yeɛ ɔmaa ɛmɔyɛ m’asuafoɛ ɔ.

Asomafoɛ 10:23

Yiti Petro fale bɛ hɔle awuro, na ɔmaa besiele nningyein bɛmane ye. Na aleɛ hyene ne, Petro boaboale ye nwo ɔne bɛ hɔle; agyidifoɛ bɔ bɛwɔ Yopa ne bie koso ne ye hɔle.

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 10:8

Ɔhane bɔ wasi ne amukoraa hyirele bɛ, na ɔsomane bɛ Yopa.

Asomafoɛ 11:13

Na ɔhã hyirele yɛ kyɛbɔ osi nwuni abɔfo bie kyɛ ogyi ye awuro berɛ, ná osele ye, Kɔneleo, kyɛ, ‘Soma mmenia ma bɛhɔ Yopa bɛɛfa Simɔn bie bɔ besa bɛfrɛ ye Petro ne bɛbra,

Asomafoɛ 11:5

“Né nwɔ Yopa kuro nu mebɔ mbaeɛ, na ngɔle nyekyire tebea nu, na nyekyire nu, nwuni nikyee bie bɔ ɔte kyɛ nwera pirikua, bɔ basosɔ ye noa nna ne anu, bɔ odwu fi nyameɛso ba ase ɔ, na oogyinane me nwo berɛ.

Asomafoɛ 9:38

Yopa ne Lida anwa biala. Yiti mmerɛ bɔ Yopa agyidifoɛ tele kyɛ Petro wɔ Lida nen, bɛsomane mmenia nyɔ maa beesele ye kyɛ, “Yɛsrɛ wɔ, ma wɔ nwo yɛ nyera ná bra yɛ wa.”

Asomafoɛ 9:42

Edwirɛ he tenele Yopa mukoraa, na mmeni pee lele Awurade lili.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

1 Tɛsalonikafoɛ 4:10

Na amba, sɔ suban ne ala koso yeɛ ɛmɔala ye ali bahyire aliɛmaa mɔ amukoraa bɔ bɛwɔ Makedonia amukoraa ɔ. Nakoso, aliɛmaa mɔ, yɛsrɛ ɛmɔ kyɛ ɛmɔhɔ so bɛyɔ ye mmorosoɛ,

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Tito 2:7

Na nningyein mukoraa nu, tu wɔ nwo sie berɛ yɛ yɔleɛ paa nwo nhwɛsoɛ: Wɔ ngyerɛkyerɛ nu, da nahorɛlilɛ ne ahoneserɛ ali,

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yosua 19:46

Meyakon ne Rakon, yeɛ aseɛ bɔ ɔla Yopa ndendeneɛ so ne.