Asomafoɛ 9:29 - AHYERƐLƐ KRONGRON

²⁹ Asa koso, ɔhane bie hyirele Yudafoɛ bɔ bɛkã Hela dwudwolɛ; ɔne bɛ suli aporowaa, na bɛyɛle kyɛ bekohũ ye.

Asomafoɛ 9:29 Iomraidhean Croise

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 17:17

Yiti ɔne Yudafoɛ ne Amaenmaensofoɛ nyamesurofoɛ bɛyɛle mbɛnzɛmbɛnzɛmuɛ wɔ nyianu sua nu, na daa biala ɔne bɛ bɔ bɛwɔ dwaaso koso yɔle sɔ ala.

Asomafoɛ 18:19

Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ.

Asomafoɛ 19:8

Pɔɔlo hɔle nyianu sua nu tonn bosome nza. Osili ye ahone ɔne mmenia ne dwudwole, na ɔne bɛ yɛle ngyerɛkyerɛ fale Nyameɛ ahennie ne nwo.

Asomafoɛ 22:18

Nwuni Awurade, na osele me kyɛ, ‘Ma wɔ nwo yɛ nyera ná fi Yerusalem, ofikyɛ bengole w’adanzeɛ bɔ ekoli kɔfa me nwo ne ngɔto nu.’

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Asomafoɛ 9:27

Nakoso Banaba fale ye hɔle asomafoɛ nemɔ berɛ, na ɔmaa benwuni kyɛbɔ Sɔɔlo si nwuni Awurade wɔ atunu, ɔne kyɛ odwudwo hyirele ye ɔ, ɔne kyɛbɔ osili ye ahone hane nzɛmba ne wɔ Yesu dumaa nu wɔ Damasko ɔ.

Asomafoɛ 9:28

Afei Sɔɔlo ne asomafoɛ nemɔ bɛtenane, ɔne bɛ hyinini Yerusalem, na osili ye ahone hane nzɛmba ne wɔ Awurade dumaa nu.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”