Asomafoɛ 9:18 - AHYERƐLƐ KRONGRON

¹⁸ Berɛ ne ala, nikyee bie bɔ ɔte kyɛ tiré si boen fili Sɔɔlo nye so tutu guale ase, na osa nwuni nikye; na odwɔsole maa bɛbɔle ye asu.

Asomafoɛ 9:18 Iomraidhean Croise

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 22:13

Oogyinane me nwo berɛ sele me kyɛ, ‘Aliɛmaa Sɔɔlo, sa nwu nikye!’ Berɛ ne ala, nza nwuni nikye, na nwuni ye.

Asomafoɛ 22:16

Na afei, nzu ati yeɛ ɛyɛ ngyɛkyerɛ ɔ? Dwɔso nya Awurade nu gyidie, na ma bɛbɔ wɔ asu benwunzi wɔ bɔne begua.’

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”

Asomafoɛ 9:19

Afei odidili, na ye nwo yɛle ye se, na olili agyidifoɛ nemɔ nwo berɛ ngyẽa pee wɔ Damasko.

Asomafoɛ 9:8

Sɔɔlo fili aseɛnwo berɛ dwɔsole, ɔtetele ye nye, nakoso né onnwu ase. Yiti bɛsosɔle ye sa bɛ ne ye hɔle Damasko.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.