Asomafoɛ 9:10 - AHYERƐLƐ KRONGRON

¹⁰ Né gyidiniɛ bie bɔ bɛfrɛ ye Anania wɔ Damasko. Né Awurade aha ahyire ye wɔ nyekyire nu kyɛ, “Anania!” Na obuale kyɛ, “Me ɛhe, Awurade.”

Asomafoɛ 9:10 Iomraidhean Croise

Gyenesise 14:15

Abram hyɛle ye mmenia ne anu kure kure kɔngɔen maa bɛhɔle ye pɔfoɛ nemɔ so. Ɔbole bɛ, na ɔfoane bɛ toonn oodwuli Hoba bɔ ɔwɔ Damasko sorɔ ne.

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

Gyenesise 31:11

Laleɛ ne anu, Nyameɛ abɔfo frɛle me kyɛ, ‘Yakob.’ Na nzurole kyɛ, ‘Me ɛhe!’

2 Samuel 15:26

Nakoso sɛ ɔka kyɛ, ‘Ɛnzɔ me nye’ a, mepene so. Bɔ okuro biala, maa ɔfa yɛ me.”

Ɛksadɔso 3:4

Na AWURADE nwuni kyɛ wamakye wafa dɔ ɔkwaanea nen, ɔfrɛle ye fili ngyɛkyerɛ ne anu kyɛ, “Mose! Mose! Na osurole kyɛ, “Me ɛhe.”

Yesaya 6:8

Na ndele AWURADE komvi kyɛ obisa kyɛ, “Nwa yeɛ nzoma yeɛ ɔ, nwa yeɛ ɔkɔhɔ kɔma yɛ ɔ?” Na nzele kyɛ, “Me ɛhe, soma me.”

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 11:5

“Né nwɔ Yopa kuro nu mebɔ mbaeɛ, na ngɔle nyekyire tebea nu, na nyekyire nu, nwuni nikyee bie bɔ ɔte kyɛ nwera pirikua, bɔ basosɔ ye noa nna ne anu, bɔ odwu fi nyameɛso ba ase ɔ, na oogyinane me nwo berɛ.

Asomafoɛ 12:9

Na ofitele lili ye si; na né ɔnze kyɛ bɔ abɔfo ne yɔle ne ɔte edwirɛ bɔ osi amba, na né ɔdwene kyɛ onwu nyekyire.

Asomafoɛ 16:10

Mmerɛ bɔ Pɔɔlo nyane nyekyire ne pɛ, yɛboaboale yɛ nwo kyɛ yɛkɔ Makedonia, ofikyɛ yɛnyane adwene kyɛ amba Nyameɛ afrɛ yɛ kyɛ yɛɛbɔ nzɛmba ne dawure yɛhyire bɛ.

Asomafoɛ 16:9

Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!”

Asomafoɛ 18:9

Na ɛlɛho bie kɔngɔen, Awurade hã hyirele Pɔɔlo wɔ nyekyire kyɛ, “Nnɛsuro, dwudwo, na nnɛmua wɔ noa,

Asomafoɛ 2:17

‘Nyameɛ nwa: Na ɔkɔwa kyɛ, ngyẽa bɔ oli nziɛ ne anu, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mmrasua kɔhyɛ ngɔm; ɛmɔ mmerandeɛ mɔ konya nyekyire, na ɛmɔ mbanyi mɔ kɔhyehye laleɛ;

Asomafoɛ 22:12

“Né biaa bie bɔ bɛfrɛ ye Anania, bɔ ɔte nyamesuroniɛ paa kyɛbɔ yɛ mmeraa si te ɔ wɔ kuro berɛ. Yudafoɛ mukoraa bɔ ye dumaa paa.

Asomafoɛ 9:12

na wanwu biaa bie bɔ bɛfrɛ ye Anania wɔ nyekyire nu kyɛ ɔ́ba ye berɛ bafa ye sa gua ye so maa osa nwu nikye.”

Asomafoɛ 9:9

Ngyẽa ɛlɛsa, né onnwu hwee, né onnidi ná ɔnno hwee.

2 Korintofoɛ 11:32

Ngɔle Damasko nen, amrado bɔ owura Nana Aretase bo ne fale asraafoɛ gyinagyinane kuro ne anu kyɛ bɛhye me,

Galatiafoɛ 1:17

Yeɛ mangɔ asomafoɛ bɔ belili me nyunu moa ne berɛ wɔ Yerusalem, na mmom ngɔle Arabia, na nziɛ ye nza male Damasko bieku.

1 Samuel 3:4

Na AWURADE frɛle Samuel kyɛ, “Samuel! Samuel!” Na osurole kyɛ, “Me ɛhe.”