Asomafoɛ 8:36 - AHYERƐLƐ KRONGRON

³⁶ Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Asomafoɛ 8:36 Iomraidhean Croise

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Yohane 3:23

Né Yohane koso ɔbɔ asu wɔ Yinon bɔ opingye Salim, ofikyɛ né nzue pee wɔ berɛ; na mmenia wale berɛ maa ɔbɔle bɛ asu.

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Asomafoɛ 10:47

“Sɔ mmenia hemɔ anya Sunzum Krongron ne kyɛbɔ yɛ koso yɛnyane ne ala. Aso ebie kɔhora kosi bɛ ate kyɛ nnɛmaa bɛfa nzue bɛbɔ bɛ asu anaa?”

Asomafoɛ 8:37

[Na Filipo buale kyɛ, “Sɛ ede di bɔkɔɔ wɔ w’ahone nu de a, bɛbɔ wɔ asu a ɔyɛ yee.” Na ye koso obuale ye kyɛ, “Mede medi kyɛ Yesu Kristo ole Nyameɛ Awa ne.”]

1 Yohane 5:6

Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.