Asomafoɛ 8:35 - AHYERƐLƐ KRONGRON

³⁵ Na Filipo dwudwole, na ɔhyɛle ye bo fale Ahyerɛlɛ he anu dwirɛ hane Yesu nwo nzɛmba ne hyirele ye.

Asomafoɛ 8:35 Iomraidhean Croise

Mateo 5:2

na ɔtele ye noa ohyirehyirele bɛ kyɛ,

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Asomafoɛ 10:34

Na Petro sele kyɛ, “Nahorɛ nu, manwu kyɛ Nyameɛ nyɛ nyeyemuɛ,

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 18:28

Ofikyɛ ɔnate ye ngyerɛkyerɛ so lili Yudafoɛ so ngonim wɔ badwa nu, na ɔfale Ahyerɛlɛ ne hyirele nu pefee kyɛ Yesu ole Kristo ne.

Asomafoɛ 19:13

Yiti Yudafoɛ ngonyaayelɛfoɛ biemɔ bɔ bekyini betutu sunzummɔne yɛle kyɛ bɛ koso bɛkɔfa Awurade Yesu dumaa bɛkɔyɔ bie, na besele sunzummɔne nemɔ kyɛ, “Yɛhyɛ wɔ wɔ Yesu bɔ Pɔɔlo di ye nwo adanzeɛ ne dumaa nu kyɛ, fi ye nu fite!”

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 3:20

Na sɛ ɛmɔyɔ sɔ a, sunzum nu anwoserɛ kofi Awurade berɛ kɔwa; na ɔkɔsoma Yesu bɔ ye ole Kristo ne, bɔ waye ye wama ɛmɔ dada ne,

Asomafoɛ 5:42

Na alehyeleɛ biala, bɛhɔle asɔneyɛɛ sua ne anu ne awuro awuro mɔ nu bɛyɛle ngyerɛkyerɛ, na bɛhane Yesu nwo nzɛmba kyɛ ye ole Kristo ne.

Asomafoɛ 8:34

Na sayɛɛ ne bisale Filipo kyɛ, “Mepa wɔ kyerɛ, nwa nwo dwirɛ yeɛ ngɔmhyɛlɛniɛ ne ɔkã ne? Ye bɔbɔ ye nwo, anaakyɛ ebie nwo ɔ?”

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

1 Korintofoɛ 1:23

Nakoso yɛ de, yɛbɔ Kristo bɔ bɛbɔle ye mmeamudua nu ne nwo dawure. Ɛhe te sundidua ma Yudafoɛ, yeɛ ɔte ngwaseasɛm ma Helafoɛ.

1 Korintofoɛ 2:2

Ofikyɛ nyɛle m’adwene kyɛ membena kyɛ menwu nikye fee wɔ ɛmɔ nwo, sana Kristo ne ye mmeamudua ne aso wue.

2 Korintofoɛ 6:11

O Korintofoɛ, yapakyepakye nu yadwudwo yahyire ɛmɔ, yaye y’ahone nu dwirɛ mukoraa yahyire ɛmɔ.

Ɛfesofoɛ 4:21

Ɛmɔate ye nwo dwirɛ amba, yeɛ bayɛ ngyerɛkyerɛ bahyire ɛmɔ wɔ ye nu, kyɛbɔ Yesu nu nahorɛ ne ɔte ne.