Asomafoɛ 8:32 - AHYERƐLƐ KRONGRON

³² Né ɔkenga Ahyerɛlɛ ne anu dwirɛ he: “Bɛfale ye bɛhɔle kyɛ boaen bɔ bɛ́fa ye bɛkɔ akumyɛɛ ɔ, anaakyɛ boaen ba bɔ watɔ mumu wɔ sona bɔ ɔpepɛ ye nwiaa nyunu ɔ, wammukye ye noa.

Asomafoɛ 8:32 Iomraidhean Croise

Edwein 39:2

Nyɛle dinn, na mandwudwo, nyɛle konn bɔ nikye paa po mangã ye nwo hwee ɔ; m’amaneɛnwunɛ ne yɛle piri.

Edwein 39:9

Mayɛ konn; memmukye me noa, ofikyɛ wɔ yeɛ ahyehyɛ ye sɔ ɔ.

Yeremia 11:19

Nakoso né nde kyɛ boaen akrɔngrɔma brɛfo bɔ bɛ́fa ye bɛ́kɔ akumyɛɛ ɔ. Na né menze kyɛ babɔ me ti so porɛ kyɛ, “Ɛ́mɔma yɛsɛkye bakaa ne, ɔne ye mma ne, ɛ́mɔma yɛ́bu ye yɛ́fi ateasefoɛ aseɛ so, amaa ɔnate so bangaye ye dumaa ko!”

Yeremia 12:3

Nakoso AWURADE, wɔ de ɛse me. Anwu me aso me anea, na anwu kyɛbɔ nzi nde ɔ. Twe bɛ kɔ kyɛ mmoaen bɔ bɛ́fa bɛ bɛ́kɔ akumyɛɛ ɔ, na tu bɛ sie berɛ ma ehunɛ kyẽa ne.

Yeremia 51:40

Ngɔfa bɛ ngɔtorotoro ngɔhɔ kyɛ mmoaen akrɔngrɔma bɔ bɛfa bɛ bɛkɔ akumyɛɛ ɔ, kyɛ mmoaen nyii ne mbɔngye nyii.

Numeri 7:39

nandwie nyii akrɔngrɔma ko, boaen nyii ko, yeɛ boaen nyii akrɔngrɔma ko bɔ wali afoɛ ko bɔ bɛfa bɛbɔ naen yeralɛ afɔleɛ ɔ;

Numeri 7:57

nandwie nyii akrɔngrɔma ko, boaen nyii ko, yeɛ boaen nyii akrɔngrɔma ko bɔ wali afoɛ ko bɔ bɛfa bɛbɔ naen yeralɛ afɔleɛ ɔ;

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Asomafoɛ 8:31

Na obuale ye kyɛ, “Ngɔyɛ sɛɛ né mate ye bo, sana ebie kyirekyire me nu.” Na ɔsrɛle Filipo kyɛ ɔɔfo tena ye teaseɛnam ne anu bie.

Romanfoɛ 8:36

Ofikyɛ bahyerɛ kyɛ, “Ɔnate wɔ ti beku yɛ daa biala; na bebu yɛ kyɛ mmoaen bɔ bɛkwaahũ bɛ ɔ.”

1 Korintofoɛ 15:3

Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.