Asomafoɛ 8:25 - AHYERƐLƐ KRONGRON

²⁵ Na belili adanzeɛ ná bɛhane Awurade dwirɛ ne nen, besa bɛhɔle Yerusalem. Na békɔ nen, bɛhane nzɛmba ne wɔ Samaria nguraa pee nu.

Asomafoɛ 8:25 Iomraidhean Croise

Mateo 10:5

Sɔ mmenia buru ne nyɔ nemɔ yeɛ Yesu somane bɛ ɔ, na ɔfale ahyɛdeɛ mane bɛ kyɛ, “Nnɛma ɛmɔkɔ Amaenmaensofoɛ nemɔ berɛ, yeɛ nnɛma ɛmɔkɔ Samariafoɛ kuro biala so;

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Yohane 15:27

na ɛmɔ koso ɛmɔkoli adanzeɛ, ofikyɛ ɛmɔ ne me anate alaa fi ahyɛaseɛ ne.”

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 28:28

Afei Pɔɔlo dwurale ye dwirɛ ne kyɛ, “Mema ɛmɔnwu ye kyɛ bafa Nyameɛ ngoalelɛ nwo dwirɛ ne baama Amaenmaensofoɛ, na bekotie koso!” [

Asomafoɛ 28:31

Ɔhane Nyameɛ ahennie ne nwo dwirɛ; ɔyɛle ngyerɛkyerɛ fale Awurade Yesu Kristo nwo, na osili ye ahone yɔle sɔ nikyee ne bɔ ebiala anzi ye ate ɔ.

Asomafoɛ 8:40

Na Filipo de, oofitele Asoto, na ɔpɛ nu kɔ nen, ɔhane nzɛmba ne wɔ nguro ne amukoraati so tonn oodwuli Kaesarea.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.