Asomafoɛ 8:23 - AHYERƐLƐ KRONGRON

²³ Ofikyɛ manwu kyɛ wɔ nye boro nikyee paa, na ɛte bɔne akoaa.”

Asomafoɛ 8:23 Iomraidhean Croise

YOB NWOMAA NE 20:14

nakoso ye aleɛ dwu ye kunu dɔ a, ɔkakyi yɛ weewee, na ɔyɛ ɛkyenebene noa borɔ wɔ ye nu.

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Yesaya 28:22

Yiti nnɛma ɛmɔdi ngorohoɛ ko, anyɔ a, bekomia ɛmɔ panwu ne anu; ofikyɛ mate ehuhunɛ pasaa nwo dwirɛ mafi Asafo AWURADE Nyameɛ berɛ, kyɛ, ɔkɔmaa ɔkɔto aseɛ amukoraa.

Yesaya 58:6

“Aso nna akɔngyere he yeɛ ɔsɔ me nye ɔ: kyɛ ɛmɔkɔsangye nzɛmmɔne ngɔnzɔngɔnzɔ, kyɛ ɛmɔkɔsangye mmenia kɔnnua nyamaa, kyɛ ɛmɔkɔma bɛ bɔ ɛmɔhyɛ bɛ so ɔ bekonya bɛ fawɔnwodi, ɔne kyɛ ɛmɔkobubu kɔnnua biala ɔ?

Yeremia 4:18

W’atee bɔ ɛnate so, ɔne wɔ yɔleɛ yeɛ wama edwirɛ he ato wɔ ye. W’asefinɛ ɛne! Nea ye yealɛ! Ye yealɛ ne wahã w’ahone.”

Yeremia 9:15

Yiti bɔ Asafo AWURADE Yisrael Nyameɛ kã ɛhe: Tie, abɔwee yeɛ ngɔfa ngɔma maen he koli ɔ, na nzue bɔ ɛborɔ wɔ nu yeɛ ngɔfa ngɔmaa bɛkɔno ɔ.

Awuye 3:19

Kaye m’amaneɛnwunɛ ne m’anwokyere, ɔte awɔwee ne abɔwee.

Awuye 3:5

Wafa abɔwee ne amaneɛnwunɛ wato me nwo fasue wabra wayia.

Yohane 8:34

Yesu buale bɛ kyɛ, “Nahorɛ nu paa, mekã mekyire ɛmɔ kyɛ, ebiala bɔ ɔyɔ bɔne ne, ɔte bɔne akoaa.

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

2 Petro 2:19

Bɛfa fawɔnwodi bɛbɔ bɛ anohoba, wɔ aberɛ bɔ bɛ bɔbɔ bɛte prɔlowaa ngoaa ɔ. Ofikyɛ nikyee biala bɔ odi sona so ne, ye yeɛ sona ne te ye akoaa ɔ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;