Asomafoɛ 8:2 - AHYERƐLƐ KRONGRON

² Nyamesurofoɛ biemɔ hɔle bɛɛfale Setefano besiele ye, na besuni ye paa.

Asomafoɛ 8:2 Iomraidhean Croise

Gyenesise 23:2

Sara wuli wɔ Kiriate Aba, (bɔ osa li Hebron), bɔ ɔwɔ Kanaan aseɛ so. Na Abraham oosuni Sara lili ye nwo yealɛ.

Gyenesise 50:9

Teaseɛnam mɔ ne pɔngɔhanɛfoɛ bokale ye so bɛ ne ye hɔle; né ɛlɔen ne te piri paa.

2 Samuel 3:31

Yeɛ Dawide sele Yoabo ne koɛhonɛfoɛ amukoraa bɔ bɛboka ye so ne kyɛ, “Ɛ́mɔsunzua ɛmɔ ndaadeɛ nu, ɛ́mɔfa ɛsɛen tena bɛhera, ná ɛ́mɔsu Abenɛ.” Na Nana Dawide lili efuin alaka ne asi.

2 Aberɛso Dwirɛ 32:33

Hesekia toale ye mbanyi mɔ. Besiele ye wɔ pambaa bɔ ɔwɔ Dawide boso ama asieleɛ so ne aso. Yuda amukoraa ne Yerusalemfoɛ amukoraa bɛyɛle ye sɛen kama paa, na ɔwa bienzua Manase lili ye bia.

2 Aberɛso Dwirɛ 35:25

Yeremia koso tole Yosia nwo awuye dwein. Na edweintolɛfoɛ mmienzua ne mmrasua amukoraa bɛbɔ Yosia dumaa wɔ b’awuye dwein mɔ nu maa waadwu ɛnɛ. Bɛmaa ɔyɛle amammerɛ wɔ Yisrael, na bahyerɛ ye wɔ Awuye dwein nwomaa ne anu.

Yeremia 22:10

Nnɛma ɛmɔsu awufoɛ; yeɛ nnɛma ɛmɔdodo ye, na mmom odi kyɛ ɛmɔsu bɔ ɔkɔ (nnurehyelɛ nu) ne hahii, ofikyɛ ongosa ngɔwa ko, yeɛ ongonwu ye bɔbɔ ye maen ko.

Yeremia 22:18

Yiti Yehoakim bɔ ɔte Yuda hene Yosia awa ne, bɔ AWURADE kã fa ye nwo ɛhe: “Bengoli ye nwo aworabɔlɛ kyɛ, ‘Ayaa, nniɛma bienzua!’ anaa ‘Ayaa, nniɛma brasua!’ Bengoli ye nwo aworabɔlɛ kyɛ, “Ayaa, me mene!’ anaa ‘Ayaa, ye animnyam!’

Numeri 20:29

Na maen ne amukoraa nwuni kyɛ Aarɔn awu ne, Yisrael awuro ama mukoraa suni ye eleburasa.

Marko 6:29

Na Yohane asuafoɛ nemɔ tele sɔ dwirɛ nen, bɛɛfale ye fuin ne besiele ye.

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 2:5

Né Yudafoɛ nyamesurofoɛ biemɔ bɔ befi ewiase maen maen amukoraa nu te Yerusalem.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Asomafoɛ 8:3

Nakoso Sɔɔlo de, ɔbɔle mmɔden ala kyɛ ɔkɔha asɔre ne; owurawurale awuro mɔ nu hyehyele agyidifoɛ mmienzua ne mmrasua maa bɛfale bɛ beguale kuku nu.

Deuteronomi 34:8

Na Yisraelfoɛ suni Mose wɔ Moabo aseɛ frɛtɛɛ ne aso eleburasa, na ngyẽa bɔ bɛfa besuni ye ɔ, ɔne ye sɛenyɛlɛ ne wale ayieleɛ.

1 Samuel 28:3

Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.