Asomafoɛ 8:10 - AHYERƐLƐ KRONGRON

¹⁰ Na bɛ mukoraa betiele ye, ofi ngwadaa so kodwu mbanyi so, na bɛhane kyɛ: Biaa he ole Nyameɛ Tumi Piri ne.

Asomafoɛ 8:10 Iomraidhean Croise

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Yeremia 42:1

Yeɛ koɛhonɛfoɛ so safohene nemɔ amukoraa, Karea awa Yohanan, Hosaya awa Yesania, ɔne mmenia ne amukoraa, ofi kwahweabaa mɔ so bɔ ɔkwaadwu atitire mɔ so ɔ, bɛbɔ bepingyele,

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Yeremia 8:10

Yiti ngɔfa bɛ ye mɔ ngɔma mmenia foforɛ, ná mafa bɛ boo mɔ mama bɛ pɔfoɛ mɔ, ofikyɛ ofi kwahweabaa so bɔ ɔkwaadwu atitire paa so, bɛ mukoraa bedi aminɛ; ofi ngɔmhyɛlɛniɛ so bɔ ɔkwaadwu ɔsɔfo so, ebiala nate ngondombo atee so.

Yona 3:5

Yeɛ Ninewefoɛ belele Nyameɛ dwirɛ ne belili. Bɛfa bɛtole dwaa kyɛ odi kyɛ ebiala obua da, na bɛherale ɛsɛen tena, ofi atitirefoɛ mɔ so bɔ ɔkwaadwu kwahweabaa mɔ so.

Asomafoɛ 14:11

Na ɛlɔen ne nwuni nikyee bɔ Pɔɔlo ayɔ nen, bɛteateane nu wɔ Likaonia dwudwolɛ nu kyɛ, “Mmosoen nemɔ bayeyɛ bɛ nwo kyɛ mmenia badwu bawa yɛ wa!”

Asomafoɛ 28:6

Né berɛ ama ne dwene kyɛ ɔngɔhyɛ biala ye nwo konwunwu, anaakyɛ ɔkɔpɛ kofi kowu. Nakoso bɛneane alaa bɔ ɛhwee biala anyɛ ye ne, benyane adwene foforɛ, na bɛhane kyɛ, “Bosoen bie ɔ!”

1 Korintofoɛ 1:24

Na bɛ bɔ bafrɛ bɛ ne de, Yudafoɛ oo, Helafoɛ oo, Kristo te Nyameɛ tumi ne ye nworɛ ma bɛ.

2 Korintofoɛ 11:19

Ɛmɔle ngwaseafoɛ nwo aboterɛ, ofikyɛ ɛmɔte nworɛfoɛ.

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

2 Petro 2:2

Na mmeni pee bekoli b’asanzabra ne asi, na ɔnate bɛ ti mmenia kɔkekã nahorɛ ne nwo dwirɛ tɛɛ.

Nyekyire 13:3

Na nwuni kyɛ, ye ti nemɔ anu ko soma kyɛ babɔ ye fɛɛ kandinga, nakoso né ye puralɛ kena ne ahɔ. Na kaka ne nwo yɛle aseɛ so ama amukoraa nwanwa maa belili ye si.