Asomafoɛ 8:1 - AHYERƐLƐ KRONGRON

¹ Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Asomafoɛ 8:1 Iomraidhean Croise

Nehemia 6:3

Yiti nduli ɛbɔfoɛ maa beesele bɛ kyɛ, “Meyɔ adwuma bɔ ohia paa ɔ, yiti mengɔhora ba. Nzu ati yeɛ odi kyɛ meyakyi adwuma ne megua berɛ na mene ɛmɔ bayia ɔ?”

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 6:23

Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Mateo 22:6

yeɛ bɛ ngaa ne wora bɛhyele ye somvoɛ nemɔ beguale bɛ nyunu ase, na behuni bɛ.

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Mateo 5:13

“Ɛmɔte aseɛ ye aso ngyee. Nakoso sɛ ngyee nu fɛɛ tu a, nzikyɛ yeɛ bɛkɔfa bekowura ye maa okosa kɔkakyi ngyee ɔ? Bɛfa bɛyɔ hwee a ɔnyɛ yee ko, sana begyi begua maa mmenia tiatia so.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 13:36

Ofikyɛ, Dawide de, ɔsole Nyameɛ wɔ ye aberɛ so yiele nen, ɔlale, na besiele ye wɔ nekaa bɔ ye nana mɔ la ɔ, na ɔporɔle kumaa nu.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 22:20

Na mmerɛ bɔ behwie w’adanzeniɛ Setefano mogya begua ne, né me koso nwɔ berɛ bie, mbenene ye hunɛ ne aso, na nneane bɛ bɔ behuni ye ne ndaadeɛ so mane bɛ.’

Asomafoɛ 26:10

Na nikyee bɔ nyɔle ye wɔ Yerusalem hɔ ɛne. Nyane tumi mvili asɔfo mbanyi nemɔ berɛ, na ndole agyidifoɛ pee kuku nu. Né beku bɛ po a, me koso mefoa so kyɛ behũ bɛ.

Asomafoɛ 5:18

Na ɛhe ati, bɛhyehyele asomafoɛ nemɔ, na bɛfale bɛ beguale kuku nu.

Asomafoɛ 5:20

“Ɛmɔhɔ beegyina asɔneyɛɛ sua ne anu, ná ɛmɔbɔ sɔ ngoa foforɛ he amukoraa nwo dawure behyire mmenia.”

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Asomafoɛ 5:40

Yiti bɛfale ye foɛtulɛ ne. Na bɛfale asomafoɛ nemɔ besa bɛwale badwa nu berɛ nen, befini bɛ mbire, na bɛkanzole bɛ kitii kyɛ nnɛma bedwudwo wɔ Yesu dumaa nu, na bɛyakyili bɛ maa bɛhɔle.

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.

Asomafoɛ 8:14

Asomafoɛ bɔ né bɛwɔ Yerusalem ne, bɛtele kyɛ Samariafoɛ basɔ Nyameɛ dwirɛ ne anu nen, bɛsomane Petro ne Yohane maa bɛhɔle bɛ berɛ.

Asomafoɛ 8:2

Nyamesurofoɛ biemɔ hɔle bɛɛfale Setefano besiele ye, na besuni ye paa.

Asomafoɛ 8:4

Na agyidifoɛ bɔ bɛbɔle aya ne, behyinini bɛhane nzɛmba ne.

Asomafoɛ 8:5

Filipo hɔle Samaria kuro bie aso, na ɔhane Kristo nwo dwirɛ hyirele berɛ ama.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Filipifoɛ 1:12

Aliɛmaa mɔ, mekuro kyɛ ɛmɔnwu ye kyɛ, bɔ wato me ne, waboka wama nzɛmba ne atrɛ mmom,

Hebrifoɛ 11:27

Ɔnate gyidie so yeɛ Mose tu fili Misraim bɔ wanzuro ɛhene ne yaafɛlɛ ɔ, na ogyinane pindinn kyɛ sona bɔ ye nye tua Ɛdangama Nyameɛ bɔ bennwu ye ne.