Asomafoɛ 7:8 - AHYERƐLƐ KRONGRON

⁸ Yeɛ ɔmane Abraham bienzuapɛlɛ apam. Na Abraham wole Yisake, na olili ɛlɛbɔtwɛ nen, ɔpɛle ye bienzua; Yisake wole Yakob, yeɛ Yakob wole yɛ nana mbanyi buru ne nyɔ nemɔ.

Asomafoɛ 7:8 Iomraidhean Croise

Gyenesise 29:31

AWURADE nwuni kyɛ Yakob nguro Lea, yiti ɔmane Lea wole mmaa, nakoso Rahɛl de ɔyɛle mmotaen.

Gyenesise 30:5

Bilha nwonzɛle, na ɔwole baa bienzua mane Yakob.

Gyenesise 35:16

Afei befili Betel. Na ɔka kãa maa bedwu Efrate ne, aworɛ hane Rahɛl, na ye aworɛ ne anu yɛle se.

Gyenesise 35:18

Na mmerɛ bɔ ɔ́fa ne, (ofikyɛ owuli) ɔtole ye dumaa Benoni, nakoso ɔse Yakob de ɔfrɛle ye Benyamin.

1 Aberɛso Dwirɛ 1:34

Abraham wole Yisake. Yisake mma mmienzua mɔ ole Yisɔ ne Yisrael.

Mateo 1:2

Abraham wole Yisake, Yisake wole Yakob, na Yakob wole Yuda ne oliɛma mɔ.

Yohane 7:22

Mose hyɛle bienzuapɛlɛ nwo mmeraa mane ɛmɔ, (wanhyɛ ye bo wamvi Mose aberɛ so, na mmom ɛmɔ nana mɔ aberɛ so), na afofikyẽa po, ɛmɔpɛ sona bienzua.

Asomafoɛ 2:29

“Aliɛmaa mɔ, odi kyɛ mepakye nu mekã yɛ nana Dawide nwo dwirɛ mekyire ɛmɔ, kyɛ owuli, na besiele ye; na ye asieleɛ wɔ yɛ wa kekesaala ye.

Romanfoɛ 4:10

Obuale ye be wɔ atee beni aso? Anzana bɛbaapɛ ye bienzua, anaakyɛ mmerɛ bɔ bɛpɛle ye bienzua ne? Bambɛ ye bienzua koraka, na mmom anzana bɛbaapɛ ye bienzua ne.

Galatiafoɛ 3:15

Aliɛmaa mɔ, mefa asetena nu dwirɛ meyɛ mvandoho: sɛ ebie yɔ nzamanzeɛ na ɔfa ye sa wura ye bo a, sona biala ngora nzesã ye, yeɛ ɔngora mva bie mmoka so.

Galatiafoɛ 3:17

Bɔ mekyire ɛhe: mmeraa bɔ afoɛ ɛyaa nna ne aburasa si yeɛ ɔwale ne, ɔngora mbɛ apam bɔ Nyameɛ nate Kristo so maa olili mu ne anu, na ɔmma bɔhyɛ ne nyɛ mbaen.

Hebrifoɛ 7:4

Ɛ́mɔnea kyɛbɔ ye sona titire si te ɔ! Abraham bɔ ɔte yɛ nana ne po, koɛ nu nzesadeɛ bɔ onyane ye ne, ɔmane ye buru nu ngyɛmuɛ ko.