Asomafoɛ 7:57 - AHYERƐLƐ KRONGRON

⁵⁷ Berɛ ne ala badwafoɛ ne teane nu serɛserɛ, bɛfale bɛ sa betuatuale bɛ so, na bɛbɔle twi bɛɛto bɛhyɛle ye so.

Asomafoɛ 7:57 Iomraidhean Croise

Edwein 58:4

Bɛ noa borɔ te kyɛ ewoo deɛ ne ala, bɛte kyɛ ɛbɔnaa asotiniwaa bɔ watuatua ye so,

Anyandera 21:13

Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Sakaria 7:11

Nakoso bɛpole kyɛ bekotie ɔ, bɛpemone b’awaen, yeɛ betuatuale bɛ so, kyɛbɔ bɛngɔte ɔ.

Asomafoɛ 23:27

Yudafoɛ hyele sɔ biaa he, na ɔhale kãa bie maa behuni ye. Ndele kyɛ ɔte Romanniɛ, yiti me ne asraafoɛ nemɔ yɛhɔle berɛ yɛɛpepɛ yɛlele ye.

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

Asomafoɛ 7:56

Na osele bɛ kyɛ, “Ɛmɔnea, menwu kyɛ anwuro abukye, na Sona Awa ne gyi Nyameɛ sa famaa so.”

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.