Asomafoɛ 7:51 - AHYERƐLƐ KRONGRON

⁵¹ Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Asomafoɛ 7:51 Iomraidhean Croise

2 Ahemvo 17:14

Nakoso bandie, na mmom bɛyɛle asoserɛ kyɛbɔ bɛ nana mɔ bɔ banne AWURADE bɛ Nyameɛ banni ne, bɛyɛle ne ala.

2 Aberɛso Dwirɛ 30:8

Nnɛma ɛmɔyɛ asoserɛ kyɛbɔ ɛmɔ nana mɔ yɛle ne, na mmom ɛ́mɔbrɛ ɛmɔ nwo ase bɛ́ma AWURADE. Ɛmɔbra AWURADE ɛmɔ Nyameɛ nekaa krongron bɔ wate ye nwo afebɔɔ ne anu, ná ɛ́mɔso ye, amaa ɔnate so wayakyi ye yaa piri bɔ wafɛ ye wɔ ɛmɔ so ne.

Nehemia 9:16

“Nakoso bɛ ne yɛ nana mɔ bɛyɛle anwomasoɛ ne asoserɛ, na banni wɔ mmeraa dwirɛ ne aso.

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Edwein 75:5

nnɛfa wɔ tumi hoahoa wɔ nwo koraa, yeɛ nnɛdwudwo ahandaen so.”

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Ɛksadɔso 32:9

Na AWURADE sele Mose kyɛ, “Manwu sɔ mmenia hemɔ, na bɛte asoserɛfoɛ mmenia.

Ɛksadɔso 33:3

Kɔ aseɛ bɔ nyɔfonesue ne woɛ tengyɛ wɔ so ne aso; nakoso me de, me ne wɔ ngɔbɔ agyirɛ ngɔhɔ, annea né mama wɔ boso akyikyi wɔ atunu, ofikyɛ ɛte maen bɔ wɔ so yɛ se ɔ.

Ɛksadɔso 33:5

Ofikyɛ né AWURADE aha ahyire Mose kyɛ, “Ka kyire Yisraelfoɛ kyɛ, ‘Ɛmɔte mmenia bɔ bɛ so yɛ se ɔ; na sɛ me ne ɛmɔ yɛsã nu yɛkɔ kaala po a, ngɔma ɛmɔ boso konua. Yiti ɛ́mɔyeye ɛmɔ nwo mbembenanneɛ ne, amaa mahora manwu nikyee bɔ ngɔfa ngɔyɔ ɛmɔ ɔ.’ ”

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yesaya 48:4

Ofikyɛ, mese kyɛ wɔ so yɛ se, ayɛ wɔ kɔme kyeinn kyɛ buralɛ, ɔne wɔ nwoma so kyɛ ayaa.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 17:23

Nakoso bandie, yeɛ banyɛ asoɛ bamma me; bɛsoale bɛ kɔme so, kyɛbɔ ɔkɔyɛ bɔ bengotie anaa bengole foɛtulɛ bɛngɔto nu ɔ.

Yeremia 4:4

Ao Yudafoɛ ne Yerusalemfoɛ, odi kyɛ ɛmɔye ɛmɔ ahone nwo bɔne ndwirahoɛ ne wɔ AWURADE nyunu, kyɛbɔ bɛpɛ sona ye bienzua ɔ, Wanyɛ sɔ a, m’ahone kohu kyɛ see, na okogye alaa bɔ ebiala ngɔhora ye nua ɔ, ɔnate ɛmɔ bɔne yɔleɛ ne ati.

Yeremia 6:10

Nwa yeɛ ndwudwo ngyire ye mmɔ ye kɔkɔ maa otie ɔ? Nea, batuatua bɛ so, bɛngora bɛnde dwirɛ. Nea, AWURADE dwirɛ ne te ngorohoɛ dwirɛ ma bɛ; bɛ nye ngye ye nwo.

Hesekiel 2:4

Ofikyɛ bɛte aniammɔwoho ne asoserɛfoɛ mmenia, na mésoma wɔ bɛ berɛ maa ekose bɛ kyɛ, ‘Bɔ AWURADE Nyameɛ ɔkã hɔ ɛhe oo.’

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Hesekiel 44:9

“Yiti AWURADE Nyameɛ nwa nyoo: Amanvoraniɛ biala, bɔ ɔmbɛ ye bienzua wɔ ahone nu ne anwoɔnaen nu, amanvrafoɛ amukoraa bɔ baafra Yisraelfoɛ nu ne, onni kyɛ bewura me nekaa krongron ne anu.

Lewitikɔso 26:41

maa ɔnate so me koso ngɔle so ndwɔso ndiale bɛ, na mvale bɛ mmale bɛ pɔfoɛ mɔ aseɛ so; sɛ bɛbrɛ b’ahone bɔ wapini ne ase, ná bede bɛto nu kyɛ bedi fɔ a,

Numeri 27:14

Ofikyɛ mmerɛ bɔ maen ne dwɔso tiale me wɔ Sen ɛserɛ ne aso ne, ɛmɔyɛle me mmeraa dwirɛ nwo asoserɛ. Ɛmɔamma wanna ali wɔ Yisraelfoɛ nyunu kyɛ nde krongron, wɔ nekaa bɔ nzue wale ne.” (Ɛhe ole Meribate Kadese asue bɔ ɔwɔ Sen ɛserɛ ne aso ne.)

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

Asomafoɛ 7:27

Na ko bɔ né osisi obiɛngo ne sumuni Mose hɔle ahameɛ, na obisale ye kyɛ, ‘Nwa yeɛ ɔfale wɔ sili yɛ so panyi ne ndɛenbualɛniɛ ɔ?

Asomafoɛ 7:35

“Sɔ Mose he bɔ Yisraelfoɛ pole ye na besele ye kyɛ, ‘Nwa yeɛ ɔfale wɔ sili yɛ so panyi ne ndɛenbualɛniɛ?’ nen, ye komapɛ ne ala yeɛ Nyameɛ somane ye kyɛ, ɔfa abɔfo bɔ ɔyele ye nwo ali hyirele ye wɔ ngyɛkyerɛ ne anu so na ɔɔyɛ bɛ so panyi ne defoɛ ɔ.

Asomafoɛ 7:39

“Nakoso yɛ nana mɔ andie Mose, behwi bɛfale ye dwirɛ so, na ɔhale bɛ ngome a, ahaa né bɛwɔ Misraim.

Asomafoɛ 7:9

“Na ɔnate kyɛ né Yakob mma ne nye boro b’eliɛma Yosef ne ati, bɛtɔnene ye maa ɔɔyɛle akoaa wɔ Misraim. Nakoso Nyameɛ gyinane ye si,

Romanfoɛ 2:25

Sɛ edi mmeraa ne aso de a, né wɔ bienzua bɔ bapɛ ne nwo le mvasoɛ, nakoso sɛ ebu mmeraa ne aso de a, né ɛte kyɛ ebie bɔ bɛppɛle ye bienzua koraa ɔ.

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

Deuteronomi 10:16

Yiti odi kyɛ ɛmɔye ɛmɔ ahone nwo bɔne ndwirahoɛ ne, na nnɛma ɛmɔyɛ asoserɛ ko.

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Deuteronomi 31:27

Ofikyɛ mese wɔ nye bɔ ɔnzɔ nikye ɔne w’asoserɛ. Me ne ɛmɔ yɛte ase ye po yeɛ ɛmɔahwi bafa AWURADE dwirɛ so sɔa ye, na me wue asi koso ɛ!

Deuteronomi 9:13

“Na AWURADE sá sele me kyɛ, ‘Manwu sɔ mmenia hemɔ, kyɛ amba, bɛ so yɛ se.

Deuteronomi 9:6

“Yiti nwu ye kyɛ, nna wɔ tengyɛlɛ ti yeɛ AWURADE wɔ Nyameɛ ɔ́fa aseɛ paa he ma wɔ kyɛ ɛtena so ɔ, ofikyɛ ɛte maen bɔ ye so yɛ se ɔ.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Kolosefoɛ 2:11

Na ye nu koso yeɛ bapɛ ɛmɔ bienzua bɔ bamva bɛ sa yeɛ bɛpɛle ɔ; na bɔ ɔwɔ anwoɔnaen nipadua nu bɔ bapuro bagua berɛ ne, bapuro bagua wɔ Kristo bienzuapɛlɛ nu.