Asomafoɛ 7:5 - AHYERƐLƐ KRONGRON

⁵ Nyameɛ amva aseɛ ne nekaa biala wamma Abraham bɔ okyire kyɛ ye deɛ ɔ, aseɛ agyirɛ ko po wamma ye; nakoso Nyameɛ bɔle ye anohoba kyɛ ɔkɔfa kɔma ye, na ɔkɔyɛ ye ne ye bosofoɛ deɛ, ɔwɔ nu kyɛ né onnya ɔwwole baa biala.

Asomafoɛ 7:5 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 13:15

Na ngɔfa aseɛ bɔ enwu ye ne amukoraa ngɔma wɔ ne wɔ boso ama afebɔɔ.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 16:2

Na Sarae sele Abram kyɛ, “Anwu ye kyɛ AWURADE mma menwo, yiti mesrɛ wɔ, ɛne m’afaneɛ ne bɛla; na ebiaa né ɔnate ye so manya mmaa.” Na Abram tiele bɔ Sarae hane ne.

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Gyenesise 23:4

“Nde ɛwɔfoɛ ne amanvraniɛ wɔ ɛmɔ nu wa. Ɛ́mɔma me ɛmɔ aseɛ ne bie ma mva nyɛ asieleɛ, na nzie me fuin ne ma ofi berɛ.”

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Hesekiel 33:24

“Sona awa, mmenia bɔ bɛtete sɔ Yisrael aseɛ bɔ wakakyi kurofoen ne aso ne, bɛnwa, ‘Né Abraham te sona horɛ, yeɛ onyane aseɛ ne fa yɛle ye deɛ ɔ; nakoso yɛ de yɛsone, na yɛ mmom yeɛ bafa aseɛ ne bama yɛ kyɛ yɛfa yɛyɛ yɛ deɛ ɔ.’

Deuteronomi 10:11

Na AWURADE sele me kyɛ, ‘Aseɛ bɔ nhyɛle bɛ nana mɔ bɔ kyɛ ngɔfa ngɔma bɛ ne, dwɔso koli mmenia nemɔ nyunu maa bɛɛfa.’

Deuteronomi 11:9

amaa amɔanya ngoa tendenn wɔ aseɛ bɔ AWURADE fa hyɛle ɛmɔ nana mɔ bɔ, kyɛ ɔkɔfa kɔma bɛ ne bɛ bosofoɛ ne aso, aseɛ bɔ nyɔfonesue ne woɛ tengyɛ wɔ so ne.

Deuteronomi 2:5

ná ɛmɔ ne bɛ annya ngondii, ofikyɛ mengɔfa b’aseɛ ne agyirɛ ko po mengɔma ɛmɔ, ɔnate kyɛ mafa Sɛre mmokaa aseɛ ne mama Yisɔ kyɛ ɔ́fa.

Deuteronomi 34:4

Na AWURADE sele ye kyɛ, “Aseɛ he yeɛ ndale ye nwo ndaen ngyirele Abraham, Yisake ne Yakob kyɛ, ‘Wɔ bosofoɛ yeɛ ngɔfa ngɔma bɛ ɔ.’ Mama wɔ nye anwu ye, nakoso dɔ de, wɔ gya baa ngotia dɔ.”

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.