Asomafoɛ 7:49 - AHYERƐLƐ KRONGRON

⁴⁹ ‘Nyameɛso te m’ahennie bia, yeɛ aseɛ te me gya ndiasoɛ. Nzikyɛ sua koraa yeɛ ɛmɔkosi bɛkɔma me ɔ? Awurade noa dwirɛ ɛne, Anaakyɛ nisua yeɛ ngɔtena ngole me nwome ɔ?

Asomafoɛ 7:49 Iomraidhean Croise

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

2 Aberɛso Dwirɛ 6:18

“Nakoso Nyameɛ, aso ɛne mmenia bɛkɔtena aseɛ ye aso amba? Eh, nyameɛso ne nyameɛso anwuro anwuro po, ɔte kãa ma wɔ, nna wayɛ kyɛ sua he bɔ masi ye!

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 23:22

Na ebiala bɔ ɔfa nyameɛso ta ndaen ne, ɔfa Nyameɛ ahennie bia ne, ɔne bɔ ɔte so ne yeɛ ɔta ndaen ɔ.

Mateo 24:2

Na obuale bɛ kyɛ, “Yeɛ ɛmɔnwu ɛhemɔ amukoraa? Nahorɛ nu, mekã mekyire ɛmɔ kyɛ, bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”

Yohane 4:21

Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.