Asomafoɛ 7:47 - AHYERƐLƐ KRONGRON

⁴⁷ Nakoso Solomon yeɛ osili sua mane Nyameɛ ɔ.

Asomafoɛ 7:47 Iomraidhean Croise

2 Samuel 7:13

Ye yeɛ okosi sua kɔfa me dumaa kɔto so ɔ, na ngɔma ye ahennie kotindim afebɔɔ.

1 Ahemvo 5:1

Tiro hene Hiram tele kyɛ bapopa Solomon ngoo maa wali ye baba bia. Na ɔsomane ye somvoɛ mɔ wɔ Solomon berɛ, ofikyɛ né Hiram te Dawide obiɛngo fi tete.

1 Ahemvo 6:1

Yisraelfoɛ fili Misraim aseɛ so bɛwale ne, ye afoɛ bɔ ɔtɔ so ɛyaa nna ne aburawɔtwɛ ne anu, né Solomon anya afoɛ nna wɔ Yisrael bia ne aso. Na bosome Siwe bɔ yeɛ ɔte bosome bɔ ɔtɔ so nyɔ ne anu, Solomon hyɛle ye bo sili AWURADE awuro ne.

1 Ahemvo 8:20

Afei AWURADE ama ye dwirɛ bɔ ɔhane ne awa nu; ofikyɛ mali me baba Dawide bia, na matena Yisrael ahennie bia so, kyɛbɔ AWURADE hyɛle bɔ ne. Na masi sua ne mafa AWURADE Yisrael Nyameɛ dumaa mato so.

1 Aberɛso Dwirɛ 17:1

Afei Nana Dawide tenane ye awuro asomdwee nu ne, osele ngɔmhyɛlɛniɛ Natan kyɛ, “Nde awuro bɔ bafa sida basi ɔ nu, nakoso AWURADE apam alaka ne de, ogyi ɛtena sua nu.”

2 Aberɛso Dwirɛ 3:1

Solomon hyɛle ye bo sili AWURADE awuro ne wɔ Moria bokaa ne aso wɔ Yerusalem, wɔ nekaa bɔ AWURADE yele ye nwo hyirele ye baba Dawide ne, wɔ nekaa bɔ Dawide wapena aseɛ wato berɛ wɔ Yebusiniɛ Ɔnan ye nekaa bɔ bɛboro aburoo ne.