Asomafoɛ 7:44 - AHYERƐLƐ KRONGRON

⁴⁴ “Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.

Asomafoɛ 7:44 Iomraidhean Croise

1 Aberɛso Dwirɛ 28:11

Afei kyɛbɔ odi kyɛ besi AWURADE awuro ne, Dawide fale ye nwo ngrataa mane ɔwa Solomon. Okyire kyɛbɔ odi kyɛ besi abrannaa ne, nu sua nemɔ, nekaa bɔ bɛfa nningyein besie nemɔ, ye aborɔsaen so nemɔ, pumbu nemɔ ɔne mbata bia sua ne.

1 Aberɛso Dwirɛ 28:19

Na Dawide sele Solomon kyɛ, “Krataa bɔ okyire kyɛbɔ besi sua ne amukoraa, bahyerɛ, na AWURADE yeɛ ɔfa mane me ɔ.”

2 Aberɛso Dwirɛ 24:6

Yiti Nana Yoase tole ye sa frɛle ɔsɔfo Yehoada bɔ ɔla bɛ noa ne, na obisale ye kyɛ, “Ɛtoɔ bɔ AWURADE somvoɛ Mose pɛ tole berɛ mane Yisraelfoɛ kyɛ bɛfa bɛyɔ apam ɛtena sua ne anwo adwuma ne, nzu ati yeɛ amma Lewifoɛ mɔ bannide bamvi Yuda ne Yerusalem ne?”

Ɛksadɔso 25:40

Nea kyɛ ɛkɔyɔ ye sɛso kyɛbɔ mafa mahyire wɔ wɔ bokaa ye aso ne.

Ɛksadɔso 26:30

Kyɛbɔ masusu nyianu sua ne mahyire wɔ wɔ bokaa ye aso ne, sɔ ala yeɛ si ye ɔ.

Ɛksadɔso 27:8

Fa ndaboa yɔ afɔleɛ bokyea ne, ná ma bɔen la ye kunu. Na kyɛbɔ mafa mahyire wɔ wɔ bokaa ne aso nen, sɔ ala yeɛ yɔ ye ɔ.

Ɛksadɔso 38:21

Nyianu sua ne nwo nningyein ne, ye nwo ngondaa ɛhe: mekyire adanzeɛ ɛtena sua bɔ ɔsɔfo Aarɔn awa Yitama neane Lewifoɛ mɔ so maa bɛhyerɛ bɛtole berɛ, kyɛbɔ Mose hyɛle ne.

Numeri 10:11

Befili Misraim ne, afoɛ bɔ ɔtɔ so nyɔ ne, ye bosome bɔ ɔtɔ so nyɔ ne, ye kyẽa bɔ ɔtɔ so aburanyɔ ne, munungum ne mane ye nwo so fili adanzeɛ ɛtena sua ne aso.

Numeri 18:2

Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 9:15

Kyẽa bɔ besili nyianu sua ne, munungum ne munduni nyianu sua bɔ ɔte adanzeɛ ɛtena sua ne aso, fi nɔsoa maa oodwuli ngyerɛmɔ. Né munungum ne sue te kyɛ see, na omunduni nyianu sua ne aso.

Hebrifoɛ 8:2

Na odi ye sɔfo ne wɔ nekaa krongron ne anu, ɔne ɛtena sua kaenn bɔ nna dasaniɛ, na mmom Awurade yeɛ osili ɔ nu.

Hebrifoɛ 8:5

Na bɛ dwumadie ne, ɔte nyameɛso deɛ ne nwo nhwɛsoɛ, ɔne wawoɛ; ofikyɛ anzana Nyameɛ baama Mose si ɛtena sua nen, osele ye kyɛ, “Nea kyɛ ɛkɔyɔ nikyee biala maa ye sɛso kɔyɛ kyɛ bɔ mva ngyirele wɔ wɔ bokaa ne aso nen pɛpɛɛpɛ.”

Yosua 18:1

Yisraelfoɛ lili aseɛ ne aso ngonim yiele nen, bɛ mukoraa bɛbɔle dwaa wɔ Silo, na besili ɛtena sua atenaleɛ ne wɔ berɛ.

Yosua 3:14

Yiti mmerɛ bɔ mmenia ne tuli bɛ bo befili bɛ tena sua nemɔ anu kyɛ bɛkwaapɛ asue Yɔɔdan nen, né asɔfo mɔ bɔ bɛsõ apam alaka ne li mmenia ne nyunu moa.