Asomafoɛ 7:38 - AHYERƐLƐ KRONGRON

³⁸ Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.

Asomafoɛ 7:38 Iomraidhean Croise

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Asomafoɛ 7:30

“Na afoɛ aburanna pɛle nu ne, abɔfo yele ye nwo ali hyirele Mose wɔ ngyɛkyerɛ bɔ né ogye ne anu wɔ ɛserɛ bie bɔ opingye Sinai Bokaa ne.

Asomafoɛ 7:35

“Sɔ Mose he bɔ Yisraelfoɛ pole ye na besele ye kyɛ, ‘Nwa yeɛ ɔfale wɔ sili yɛ so panyi ne ndɛenbualɛniɛ?’ nen, ye komapɛ ne ala yeɛ Nyameɛ somane ye kyɛ, ɔfa abɔfo bɔ ɔyele ye nwo ali hyirele ye wɔ ngyɛkyerɛ ne anu so na ɔɔyɛ bɛ so panyi ne defoɛ ɔ.

Asomafoɛ 7:53

na mmeraa bɔ abɔfo nemɔ fa wale ne, ɛmɔ yeɛ ɛmɔlele ɔ, nakoso ɛmɔanni so!”

Romanfoɛ 3:2

Ye nwo le mvasoɛ atee pee so! Bɔ oli moa ɔ, Nyameɛ fale ye noa dwirɛ wurale Yudafoɛ bɛ sa.

Romanfoɛ 9:4

Bɛte Yisraelfoɛ bɔ baayɛlɛ, animnyam, apam nemɔ, mmeraahyehyɛlɛ, ɛsɔnenɛ ne bɔhyɛ nemɔ bɛte bɛ deɛ ɔ.

Galatiafoɛ 3:19

Afei mmeraa ne botaeɛ ole sɛɛ? Mmeraatolɛ ti yeɛ ɔmaa bɛfa bɛbokale so ɔ, kɔpem kyɛ Abraham bosoniɛ bɔ yiti yeɛ bɛhyɛle bɔ ne ɔkɔwa ɔ. Nyameɛ hyehyɛle mmeraa ne, na ɔnate abɔfo mɔ so yeɛ ɔhyehyɛle ye wɔ ndamgyinaniɛ bie sa nu ɔ.

Deuteronomi 33:4

Mose hyɛle mmeraa mane yɛ, kyɛ ɔte Yakob badwa agyapadeɛ.

Hebrifoɛ 2:2

Na sɛ edwirɛ bɔ abɔfo mɔ hane ne te nahorɛ, ná mmeraatolɛ biala ne asoserɛ biala nyane ye so akatuaa kyɛbɔ ɔfata hɔ a,

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Hebrifoɛ 5:12

Wahyɛ bɔ ahaa odi kyɛ kekesaala ye ɛmɔyɛ akyerɛkyerɛfoɛ ɔ, nakoso ɛmɔtɛhia sona bɔ ɔkɔhyɛ ye bo kosa kohyirehyire ɛmɔ Nyameɛ dwirɛ ne ɔ. Ɛmɔnhia aleɛ bɔ nu yɛ se ɔ, na mmom ɛmɔtɛhia nyɔfonesue.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.