Asomafoɛ 7:30 - AHYERƐLƐ KRONGRON

³⁰ “Na afoɛ aburanna pɛle nu ne, abɔfo yele ye nwo ali hyirele Mose wɔ ngyɛkyerɛ bɔ né ogye ne anu wɔ ɛserɛ bie bɔ opingye Sinai Bokaa ne.

Asomafoɛ 7:30 Iomraidhean Croise

1 Ahemvo 19:8

Elia dwɔsole, odidili none nzue, na anwoserɛ bɔ onyane wɔ aleɛ ne anu ne, ɔfa natele eyia ne kɔngɔen sɔ alaa eleburanna, hɔle Nyameɛ bokaa Horebo so.

Edwein 66:12

Amaa mmenia bahwi bafa yɛ ti so, yɛfale see nu ne nzue nu, nakoso aye yɛ afite afa yɛ awa nekaa bɔ anwonya pee wɔ ɔ.

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Ɛksadɔso 7:7

Mmerɛ bɔ bɛ ne Faro dwudwole nen, né Mose ali afoɛ aburawɔtwɛ, yeɛ Aarɔn koso afoɛ aburawɔtwɛ ne nza.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Daniel 3:27

Yeɛ mbɔtam mbanyi, mbanyi, amrado mɔ ne Nana foɛtulɛfoɛ mɔ bɛbɔle nu bɛɛneane, na benwuni kyɛ see ne wannya sɔ mmenia nemɔ nwonaen so tumi, bɛ ti nwiaa anyera, b’ataadeɛ ne anyɛ hoyaa, yeɛ nwosina po mmo bɛ nwo.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Marko 12:26

Bɔ ɔfa awufoɛ dwɔsolɛ nwo de, aso ɛmɔkkenngale ye wɔ Mose nwomaa ne anu, kyɛbɔ Nyameɛ dwudwo hyirele ye wɔ ngyɛkyerɛ ne anu kyɛ, ‘Me ole Abraham Nyameɛ, Yisake Nyameɛ ne Yakob Nyameɛ’ ne?

Luka 20:37

Na ɔfa awufoɛ dwɔsolɛ nwo de, Mose koso maa yɛnwu ye wɔ ngyɛkyerɛ ne nwo dwirɛ ne anu, mmerɛ bɔ ɔfrɛ Awurade kyɛ: Abraham Nyameɛ, Yisake Nyameɛ ne Yakob Nyameɛ’ ne.

Asomafoɛ 7:17

“Mmerɛ bɔ Nyameɛ anohoba bɔ ɔbɔle Abraham pingyele nen, né yɛ mmenia bɔ bɛwɔ Misraim ne asone pee,

Asomafoɛ 7:31

Mose nwuni sɔ nikyee nen, ɔyɛle ye nwanwa, na ɔbɔ pingyele ngyɛkyerɛ ne kyɛ ɔkwaanea nikye horɛ; na ɔtele Awurade dwudwolɛ kyɛ,

Asomafoɛ 7:32

‘Me ole wɔ nana mɔ Nyameɛ, Abraham ne Yisake ne Yakob Nyameɛ.’ Na Mose nwo wosowosole ye, na wangora wandindim wangɔannea ye ko.

Asomafoɛ 7:35

“Sɔ Mose he bɔ Yisraelfoɛ pole ye na besele ye kyɛ, ‘Nwa yeɛ ɔfale wɔ sili yɛ so panyi ne ndɛenbualɛniɛ?’ nen, ye komapɛ ne ala yeɛ Nyameɛ somane ye kyɛ, ɔfa abɔfo bɔ ɔyele ye nwo ali hyirele ye wɔ ngyɛkyerɛ ne anu so na ɔɔyɛ bɛ so panyi ne defoɛ ɔ.

Galatiafoɛ 4:25

Hagar gyi berɛ ma Sinai bokaa ne bɔ ɔwɔ Arabia, na osa gyi berɛ ma ɛnɛ Yerusalem, ofikyɛ Yerusalem ne ye mma wɔ ngoaasolɛ nu.

Deuteronomi 33:16

Ma ye aseɛ so nningyein paa mukoraati. Mesrɛ kyɛ, Nyameɛ bɔ ɔyele ye nwo ali wɔ ngyɛkyerɛ nu ne, ɔlo ye. Ma saleɛ hemɔ amukoraati ɔ́yɛ Yosef ti so abotire, ye bɔ odi oliɛma mɔ so hene ne, maa ɔbɔ ye nwoma so.

Deuteronomi 4:20

Nakoso ɛmɔ de, AWURADE afa ɛmɔ, na waye ɛmɔ wafi buralɛ afaa hyerɛhyerɛ nu, mekyire Misraim, kyɛ ɛmɔɔyɛ ye bɔbɔ deinn ye deɛ, kyɛbɔ kekesaala ye ɛmɔte ye.