Asomafoɛ 7:3 - AHYERƐLƐ KRONGRON

³ na ɔhã hyirele ye kyɛ, ‘Fi w’aseɛ so ne w’abusua nu tu kɔ aseɛ bɔ mebaahyire wɔ ne aso!’

Asomafoɛ 7:3 Iomraidhean Croise

Gyenesise 12:1

Na AWURADE sele Abram kyɛ, “Tu fi wɔ maen nu, w’abusuafoɛ nu, ɔne ɛse awuro, ná kɔ aseɛ bɔ mebaahyire wɔ ne aso.

Gyenesise 15:7

Na osele ye kyɛ, “Me ole AWURADE bɔ mvale wɔ mvili Yure bɔ ɔwɔ Kaldea mmale ɔ, kyɛ méfa aseɛ he mema wɔ maa ɔyɛ wɔ deɛ.”

Gyenesise 20:13

Na mmerɛ bɔ Nyameɛ maa ndu mvili me se awuro ngyinikyinini nen, nga ngyirele ye kyɛ, ‘Mepena kyɛ ɛyɔ me sɔ paa he: nekaa biala bɔ yɛkɔhɔ ne, ka kyɛ, ‘Nniɛma ɔ’ ”

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Asomafoɛ 7:4

Ɛhe ati Abraham tu fili Kaldeafoɛ aseɛ so ɔɔtenane Haran. Ye baba wue asi ne, Nyameɛ maa ofili berɛ ɔɔtenane aseɛ he bɔ ɛnɛ ɛmɔte so ye aso.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Hebrifoɛ 11:8

Ɔnate gyidie so yeɛ Abraham tiele Nyameɛ frɛlɛ ne, ná otu hɔle maen bɔ ɔfa hyɛle ye bɔ kyɛ ɔkɔmaa ɔkɔyɛ ye agyapadeɛ ne aso ɔ; na otu fili ye maen nu bɔ né ɔnze nekaa bɔ ɔkɔ ɔ.

Yosua 24:3

Yeɛ nyele ɛmɔ nana Abraham mvili asue ne asi dɔ, mvale ye mvale Kanaan aseɛ ne aso amukoraa, na mmane ye bosofoɛ yɛle pee. Mmaa ɔwole Yisake.