Asomafoɛ 7:25 - AHYERƐLƐ KRONGRON

²⁵ Né Mose dwene kyɛ ye bɔbɔ ye mmenia nemɔ konwu ye kyɛ Nyameɛ baafa ye so ode bɛ, nakoso bannwu ye sɔ.

Asomafoɛ 7:25 Iomraidhean Croise

2 Ahemvo 5:1

Naaman te Siria hene ye koɛhonɛfoɛ so safohene. Né ɔte sona titire bɔ ye mene Siria hene kuro ye dwirɛ ɔ, ofikyɛ ɔnate ye so, AWURADE mane Siria lili ngonim wɔ koɛ nu. Ɔwɔ nu kyɛ né biaa ne te koɛhonɛniɛ titire paa de, nakoso né kwata anwonyerɛ ayɛ ye.

Edwein 106:7

Yɛ nana mɔ, mmerɛ bɔ né bɛwɔ Misraim ne, bande w’anwanwadeɛ nemɔ abo, yeɛ bangaye wɔ ɔdɔ kandinga bɔ onni ngasi ne, na mmom bɛyɛle Anwuro Anwuro Nyameɛ ne aso lɔen wɔ Ɛpo Kɔkorɛ ne anwo.

Ɛksadɔso 2:12

Ɔtotole ye nye bra yiale, na onwuni kyɛ sona biala nne berɛ nen, ohuni Misraimniɛ ne, na ɔfale ye feale anweaa nu.

Marko 9:32

Na bande sɔ dwirɛ ne abo, nakoso né besuro kyɛ bekobisa ye ɔ.

Luka 18:34

Nakoso bɛ de, bande edwirɛ hemɔ nu biala bo; né ɔbo b’adwene so, na bɔ ɔhane ne po, né bɛnze nikye horɛ.

Luka 9:45

Nakoso bande sɔ dwirɛ ne abo. Né bafa ye ndeaseɛ ne bafea bɛ kyɛbɔ bengonwu ye ɔ; na né besuro kyɛ bekobisa ye sɔ dwirɛ ne ɔ.

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:4

Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ.

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 21:19

Pɔɔlo bisale bɛ ahye, na ɔhane nikyee bɔ Nyameɛ nate ye (Pɔɔlo) asɛmbatrɛ adwuma ne aso wayɔ wɔ Amaenmaensofoɛ nu ngoko ngoko hyirele bɛ.

Asomafoɛ 7:24

Onwuni kyɛ Misraimniɛ ɔhyɛ Yisraelniɛ so anyeborolɛ so, yiti ɔɔbokale bɔ bɛ́hyɛ ye so ne, na ɔyɔle bie tuale Misraimniɛ ne kerɛ huni ye.

Asomafoɛ 7:26

Aleɛ hyene ne, onwuni Yisraelfoɛ nyɔ kyɛ bɛko; ɔyɛle kyɛ ɔpata bɛ, na osele bɛ kyɛ, ‘O, biamɔ adwo! Ɛmɔte aliɛmaa, nzu ati yeɛ ɛmɔpɛ bɛ nwo bɛko ye?’

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 3:9

Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Maenbulɛfoɛ 15:12

Yudafoɛ sele ye kyɛ, “Yawa kyɛ yɛbaahye wɔ, ná yɛfa wɔ yɛkowura Filistifoɛ sa.” Na Samson buale bɛ kyɛ, “Ɛ́mɔta ndaen kyɛ ɛmɔ bɔbɔ ɛmɔngohu me.”

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”