Asomafoɛ 7:16 - AHYERƐLƐ KRONGRON

¹⁶ Bɛfale Yakob ne Yosef fuin ne besa bɛwale Sɛkem beesiele bɛ wɔ asieleɛ bɔ Abraham fale ɛdwetɛ ɔtɔ fili Hamɔ mma nemɔ berɛ wɔ Sɛkem ne anu.

Asomafoɛ 7:16 Iomraidhean Croise

Gyenesise 23:16

Abraham ne Efron yɛle adwene, na ɛdwetɛ bɔ Efron bɔle ye dumaa mane Hitifoɛ tele ne, Abraham karili fa mane Efron: ɛdwetɛ kilo nna ne bue, kyɛbɔ né dwadifoɛ bɛ sikaa bɔ bedi ne ɔte ɔ.

Gyenesise 23:4

“Nde ɛwɔfoɛ ne amanvraniɛ wɔ ɛmɔ nu wa. Ɛ́mɔma me ɛmɔ aseɛ ne bie ma mva nyɛ asieleɛ, na nzie me fuin ne ma ofi berɛ.”

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

Gyenesise 47:30

Na mmom maa ngɔnna nekaa bɔ me mbanyi mɔ la ɔ; fa me fi Misraim na kosie me wɔ me mbanyi mɔ asieleɛ.” Na Yosef buale ye kyɛ, “Yoo, ngɔyɔ ye kyɛbɔ aha ne ala.”

Gyenesise 50:12

Yiti Yakob mma mɔ yɔle kyɛbɔ ɔhyɛle bɛ ne ala mane ye;

Gyenesise 50:13

ofikyɛ ye mma nemɔ soale ye hɔle Kanaan aseɛ so, na besiele ye wɔ Makepɛla aseɛ so nyɔboɛ bɔ wasi sua nu wɔ Mamre eyia afiteleɛ. Abraham tɔle sɔ nyɔboɛ ne ɔne aseɛ ne fili Hitiniɛ Efron berɛ kyɛ ɔfa yɛ ye asieleɛ.

Ɛksadɔso 13:19

Mose sesale Yosef mmowue ne hɔle; ofikyɛ né Yosef ama Yisrael mma nemɔ ata ndaen. Osele kyɛ, “Nyameɛ koogyina ɛmɔ si, na ɔyɛ a, ɛ́mɔfa me mmowue ne béfi wa bɛhɔ.”

Yosua 24:32

Yosef mmowue bɔ Yisraelfoɛ sesa fili Misraim wale ne, besiele ye wɔ Sɛkem, wɔ aseɛ bɔ Yakob tɔ fili Sɛkem baba Hamɔ mma nemɔ berɛ ne aso. Ɔtɔle ye sikaa ɛdwetɛ ɛyaa ko. Na aseɛ ne ɔɔyɛle Yosef boso ama agyapadeɛ.