Asomafoɛ 7:14 - AHYERƐLƐ KRONGRON

¹⁴ Na Yosef fale ngraa maa beesele ye baba Yakob ne ye abusuafoɛ ne amukoraa kyɛ bɛbra. Né bɛ mukoraa bɛte aburasoo ne nnu.

Asomafoɛ 7:14 Iomraidhean Croise

Gyenesise 45:13

Ɛ́mɔhã me diberɛ bɔ nne ye wɔ Misraim ɔne bɔ ɛmɔanwu ye amu behyire me baba. Ɛ́mɔhã bɛ nwo bɛɛfa me baba bɛbra wa.”

Gyenesise 46:12

Yuda mma mɔ: Ɛre, Onan, Hyela, Pɛrɛse ɔne Sera (nakoso Ɛre ne Onan bewuli wɔ Kanaan aseɛ so). Pɛrɛse mma mɔ ole Hesron ne Hamul.

Edwein 105:23

Afei Yisrael wale Misraim; Yakob oosikyele Ham aseɛ so.

Ɛksadɔso 1:5

Né Yakob boso ama ne amukoraa bɛte aburasoo; na né Yosef de ɔwɔ Misraim dada.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Deuteronomi 10:22

Wɔ nana mɔ tu hɔle Misraim nen, né bɛte mmenia aburasoo. Nakoso kekesaala ye de, AWURADE wɔ Nyameɛ amaa ayɛ pembepembe kyɛ ewienu nzramaa.