Asomafoɛ 7:10 - AHYERƐLƐ KRONGRON

¹⁰ ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.

Asomafoɛ 7:10 Iomraidhean Croise

Gyenesise 39:21

Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ.

Gyenesise 42:6

Né Yosef yeɛ ɔte amrado wɔ maen ne anu ɔ. Né ye yeɛ ɔtɔne aleɛ ma maen ne anu ama mukoraa ɔ. Yosef aliɛma mɔ wale, na bɛfale bɛ nyunu bebutubutuli ase bɛkotole ye.

Gyenesise 44:18

Na Yuda hɔle Yosef nwo berɛ oosele ye kyɛ, “Me mene, mesrɛ wɔ, ma w’akoaa osusu edwirɛ kãa nwo ohyire ye mene; nnɛfɛ w’akoaa so yaa, ofikyɛ wɔ de wɔ diberɛ te kyɛ Faro bɔbɔ deinn.

Gyenesise 48:16

abɔfo bɔ aye me afi musue mukoraa nu ɔ, yira mmɛɛmaa ye; maa ɔnate bɛ so, me dumaa, ɔne me mbanyi mɔ Abraham ne Yisake dumaa otira ndii; ma bɛ boso ama bɛsone na bɛyɛ pee wɔ aseɛ ye aso.”

1 Ahemvo 8:50

Na wɔ mmenia bɔ bayɔ bɔne batia wɔ ne, bɔne ne b’amumuyɛɛ amukoraa bɔ bayɔ batia wɔ ne, fa kyɛ bɛ. Ma mmenia bɔ bahye bɛ nnure ne benwu bɛ anwumvoin, amaa ɔnate so banwu bɛ anwumvoin.

Edwein 22:24

Ofikyɛ amaneɛnwunɛniɛ ne, ye amaneɛ ne, wammu ye nye wangua so, yeɛ wanye ye nye wamvea ye, na mmom osũ frɛle ye ne, otiele ye sufrɛ.

Edwein 37:40

AWURADE boka bɛ, na ɔpepɛ de bɛ; ɔpepɛ de bɛ fi bɔnefoɛ sa nu, na ode bɛ ngoa, ofikyɛ bɛnwati bɛkɔfea ye nu.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Anyandera 3:4

Na ɛhe kɔmaa Nyameɛ ne mmenia bɛkɔlo wɔ, ná babɔ wɔ dumaa paa.

Yeremia 39:12

“Fa ye, te wɔ nye nea ye, nnɛyɔ ye tɛɛ biala, na bɔ ɔkɔhã kohyire wɔ biala, yɔ ma ye.”

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.

Yakobo 5:11

Ɛ́mɔtie, bɛ bɔ bemiane bɛ nye bɛfale amaneɛ nu ne, yɛbu bɛ kyɛ banya saleɛ. Yeɛ ɛmɔate Yob amaneɛnwunɛ nu animia ne, na ɛmɔanwu kyɛbɔ Awurade maa osi yiele ye ɔ, kyɛbɔ Awurade anwumvoinnwunɛ sone, ná osa le tema maa ɔbo so ɔ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.