Asomafoɛ 6:9 - AHYERƐLƐ KRONGRON

⁹ Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Asomafoɛ 6:9 Iomraidhean Croise

Mateo 10:17

Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Mateo 27:32

Na befili berɛ bɔ bɛkɔ nen, beyiale Kireneniɛ bie bɔ bɛfrɛ ye Simɔn; na bɛhyɛle ye maa ɔsoale Yesu mmeamudua ne.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 16:6

Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam.

Asomafoɛ 18:24

Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa.

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

Asomafoɛ 21:27

Na ɛlɛsoo bɔ bɛfa bɛpete bɛ nwo ne baaso nen, Yudafoɛ biemɔ bɔ befi Asia maen nu nwuni Pɔɔlo wɔ asɔneyɛɛ sua nu; yiti bɛsɛkyele ɛlɔen bɔ bayia berɛ n’adwene maa bɛhyele Pɔɔlo,

Asomafoɛ 21:39

Na Pɔɔlo buale kyɛ, “Nde Yudaniɛ, mvi Taaso bɔ ɔwɔ Kilikia, kuro bɔ bɔ wale dumaa so niɛ. Mmvi kuro nwunyanwunya so. Mesrɛ wɔ, maa ndwudwo ngyire ɛlɔen ne.”

Asomafoɛ 22:19

Na me koso mmuale kyɛ, ‘Awurade, bɛse ye pefee kyɛ ngɔngyekyele bɛ bɔ bede wɔ bedi ne nguale kuku nu, na mmole bɛ wɔ nyianu sua biala nu.

Asomafoɛ 22:3

“Nde Yudaniɛ, bɛwole me Taaso bɔ ɔwɔ Kilikia manzini nu. Bɛtetele me wɔ kuro ye anu, na Gamaliɛl yeɛ ohyirele me nikye ɔ. Ɔfale yɛ nana mɔ mmeraa ne hyirele me nikyee pɛpɛɛpɛ, na nduli me nwo nziele berɛ mane Nyameɛ kyɛbɔ ɛnɛ ye ɛmɔ amukoraa bɛyɔ ne.

Asomafoɛ 23:34

Amrado ne kengale krataa ne, na obisale Pɔɔlo manzini horɛ bɔ ofi nu ɔ. Na ɔtele kyɛ ofi Kilikia nen,

Asomafoɛ 24:18

Na nwɔ ɛhe aso bɔ meyɔ, wɔ mmerɛ bɔ mepete me nwo ne, yeɛ Yudafoɛ biemɔ bɔ befi Asia manzini nu nwuni me wɔ asɔneyɛɛ sua ne anu ɔ. Né ɛlɔen biala ɔbboka me so; yeɛ afei né basabasa biala nne berɛ.

Asomafoɛ 26:11

Ndaa ndwene bɛ so wɔ nyianu sua biala nu, na mmɔle mmɔden kyɛ ngɔhyɛ bɛ maa bɛkɔpa bɛ gyidie si ɔ. Me nye borole bɛ so paa maa afei de po ndanene bɛ nye alaa ngondwuli amanvrafoɛ nguro so.

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

1 Korintofoɛ 1:20

Nzaade, né nworɛfoɛ gyi ye sɛ? Nimdeɛfoɛ koso begyi ye sɛ? Bɛ bɔ babe aporowaasulɛ nu wɔ ewiase wa ne koso begyi ye sɛ? Aso Nyameɛ mmane wiase wa nworɛ ɔkkakyili ngwaseasɛm?

Galatiafoɛ 1:21

Na ɛhe asi ne, ngɔle Siria ne Kilikia mbɔtam.