Asomafoɛ 6:5 - AHYERƐLƐ KRONGRON

⁵ Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Asomafoɛ 6:5 Iomraidhean Croise

Gyenesise 41:37

Faro ne ye mbanyi amu nwuni kyɛ sɔ nzusuleɛ ne te paa.

Anyandera 15:1

Ɛyɛ wɔ noa bɛtɛɛ ɛma mmuayɛɛ a, ɔma ahone tɔ nzue nu, nakoso edwudwo fumfum a, ye de ɔma ahone hu.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Mika 3:8

Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Mateo 23:15

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔkyini ɛpo ne aseɛ so kyɛbɔ ɛmɔkonya sona ko maa ɔkɔɔboka ɛmɔ fekue ne aso ɔ, na sɛ ɛmɔnya ye a, ɛmɔmaa ɔyɛ amaneɛnwunɛ kuroniɛ mmɔhoɛ nyɔ tra ɛmɔ bɔbɔ.

Asomafoɛ 11:19

Setefano hunɛ ne asi ne, ayaayaadeɛ bɔ bɛfa bɛyɔle agyidifoɛ ne maa bɛbɔle aya. Ebiemɔ nwatili alaa beefitele Fonikia, Kipro ne Antiokia, na Yudafoɛ ngome yeɛ bɛhane nzɛmba ne behyirele bɛ ɔ.

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 11:22

Na Yerusalem asɔre ne tele sɔ dwirɛ ne, yiti bɛsomane Banaba maa ɔhɔle Antiokia.

Asomafoɛ 11:24

Né Banaba te sona paa bɔ Sunzum Krongron ne gyidie ayi ye tɛkyɛ ɔ, na ɔhwene mmenia pee maa beelili Awurade si.

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 11:27

Na sɔ mmerɛ ne anu, ngɔmhyɛlɛfoɛ biemɔ fili Yerusalem bɛwale Antiokia.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 21:8

Na aleɛ hyene ne, yɛfili berɛ yɛwale Kaesarea. Yɛɛsikyele nzɛmbahanɛniɛ Filipo awuro. Né Filipo boka mmenia nzoo ne aso.

Asomafoɛ 22:20

Na mmerɛ bɔ behwie w’adanzeniɛ Setefano mogya begua ne, né me koso nwɔ berɛ bie, mbenene ye hunɛ ne aso, na nneane bɛ bɔ behuni ye ne ndaadeɛ so mane bɛ.’

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Asomafoɛ 6:8

Setefano bɔ adom ne tumi ayi ye tɛkyɛ ne yɔle nzɛngyerɛnneɛ ne anwanwadeɛ wɔ maen ne anu.

Asomafoɛ 7:1

Na ɔsɔfo panyi paa ne bisale kyɛ, “Aso ɛhemɔ te nahorɛ?”

Nyekyire 2:15

Asa koso, ele ebiemɔ wɔ wɔ nu bɔ basɔ Nikolatafoɛ ngyerɛkyerɛ [bɔ mekyi ne] anu ɔ.

Nyekyire 2:6

Nakoso ayɔ paa he, kyɛ ekyi Nikolatafoɛ nnwumaa bɔ me koso mekyi ne.