Asomafoɛ 6:4 - AHYERƐLƐ KRONGRON

⁴ na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Asomafoɛ 6:4 Iomraidhean Croise

Luka 1:23

Na ɔwale kyɛ, ye solɛ adwuma mmerɛ wale ayieleɛ ne, ofili berɛ hɔle ye awuro.

Asomafoɛ 1:14

Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

Filipifoɛ 1:4

Daa biala, me mbaeɛbɔlɛ amukoraa nu, mebɔ mbaeɛ mema ɛmɔ amukoraa wɔ anigye so;

Kolosefoɛ 2:1

Mekuro kyɛ ɛmɔnwu mmɔden paa bɔ mebɔ mema ɛmɔ, yeɛ afei bɛ bɔ bɛwɔ Laodikea, ɔne ebiala bɔ onnwuni me nyunu le ɔ.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

Kolosefoɛ 4:17

Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.