Asomafoɛ 6:3 - AHYERƐLƐ KRONGRON

³ Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Asomafoɛ 6:3 Iomraidhean Croise

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Yesaya 28:26

Ofikyɛ ye Nyameɛ ahyirehyire ye, na okyire ye bɔ odi kyɛ ɔyɔ ɔ.

Yesaya 28:6

Ɔkɔyɛ ndɛenbualɛ pɛpɛɛpɛ sunzum wɔ sona bɔ obua ndɛen ɔ nu, yeɛ ɔkɔyɛ anwoserɛ kɔma bɛ bɔ bɛfoa koɛhonɛfoɛ mɔ befi kuro pambim nu maa besa bɛkɔ ɔ.

Mateo 23:8

Nakoso ɛmɔ de, onni kyɛ bɛfrɛ ɛmɔ: ‘kyerɛkyerɛniɛ’ ɔ, ofikyɛ ɛmɔ Kyerɛkyerɛniɛ te komapɛ, na ɛmɔ amukoraa bɛte aliɛmaa.

Yohane 21:23

Na edwirɛ he trɛle aliɛmaa nemɔ anu kyɛ sɔ suaniɛ ne ongowu; nakoso Yesu anga angyire ye kyɛ ongowu, na mmom ɔhane kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu?”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 1:21

“Yiti mmenia bɔ bɛne yɛ natele mmerɛ amukoraa bɔ Awurade Yesu ɔne yɛ lili akɔneaba,

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 16:2

Né agyidifoɛ amukoraa bɔ bɛwɔ Lisetra ne Yikoniom ɔ bedi Timoteo nwo adanzeɛ.

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 22:12

“Né biaa bie bɔ bɛfrɛ ye Anania, bɔ ɔte nyamesuroniɛ paa kyɛbɔ yɛ mmeraa si te ɔ wɔ kuro berɛ. Yudafoɛ mukoraa bɔ ye dumaa paa.

Asomafoɛ 28:14

Yɛnwuni agyidifoɛ biemɔ berɛ, na bɛsrɛle yɛ kyɛ yɛli bɛ nwo berɛ ɛlɛsoo. Yiti yɛɛdwuli Rome.

Asomafoɛ 6:2

Ye sɔ ati, asomafoɛ buru ne nyɔ nemɔ bɛfrɛle asuafoɛ kure ne maa beeyiale, na besele bɛ kyɛ, “Onhia kyɛ yɛyakyi Nyameɛ dwirɛ ne hanɛ yɛto berɛ, ná yɛfa aleɛhyɛlɛ yɛyɛ yɛ adwuma ɔ.

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Asomafoɛ 6:6

Bɛmaa beegyinane asomafoɛ ne nyunu berɛ, na bɛfale bɛ sa beguale bɛ so bɛbɔle mbaeɛ bɛmane bɛ.

Asomafoɛ 9:30

Mmerɛ bɔ agyidifoɛ nemɔ tele sɔ dwirɛ nen, bɛfale Sɔɔlo bɛhɔle Kaesarea, na bɛmaa ɔhɔle Taaso.

1 Korintofoɛ 12:8

Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

1 Korintofoɛ 16:3

Sɛ meba a, mmenia bɔ ɛmɔkɔye bɛ kɔma bɛ adanzeɛ krataa ne, ngɔsoma bɛ maa bɛkɔfa ɛmɔ akyɛdeɛ ne bɛkɔhɔ Yerusalem.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Deuteronomi 1:13

Ɛ́mɔneanea ɛmɔ abusua kure nemɔ anu bɛ́yeye mmenia bɔ bɛse nworɛ, bɔ bele ndeaseɛ, bɔ mmenia bu bɛ ɔ, na ngɔmaa bɛkɔlela ɛmɔ noa.’

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.