Asomafoɛ 6:14 - AHYERƐLƐ KRONGRON

¹⁴ ofikyɛ yɛtele kyɛ ɔkã kyɛ sɔ Yesu ne bɔ ofi Nasarɛte ne, okodwiri ɛwa kogua, ná wasa wasesã amanneɛ bɔ Mose hyehyɛle mane yɛ ne!”

Asomafoɛ 6:14 Iomraidhean Croise

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Yeremia 26:12

Yeɛ Yeremia sele mbanyi nemɔ amukoraa ne maen ne amukoraa kyɛ, “AWURADE yeɛ ɔsomane me kyɛ mva edwirɛ bɔ ɛmɔate ye amukoraa nhyɛ ngɔm ndia awuro he ɔne kuro he ɔ.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 11:1

Wɔ, Lebanon, bukyebukye w’anoa nemɔ ma see ne ɔyera wɔ sida nemɔ.

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Mateo 26:61

na bɛhane kyɛ, “Sɔ akoaa he hane kyɛ, ‘Ngɔhora ngobubu Nyameɛ asɔneyɛɛ sua ne, ná mafa ɛlɛsa masi.’ ”

Marko 14:58

“Yɛtele kyɛ ɔka kyɛ, ‘Ngobubu asɔneyɛɛ sua he bɔ bafa asaa yeɛ basi ne, na ngɔfa ɛlɛsa ngosi foforɛ bɔ nna asaa yeɛ bɛfa besili ɔ.’ ”

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Luka 21:6

“Ɛhemɔ bɔ ɛmɔnwu ye e, mmerɛ bie kɔwa bɔ bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”

Yohane 2:19

Na Yesu buale bɛ kyɛ, “Ɛ́mɔdwiri asɔneyɛɛ sua he bégua, na ngɔfa ɛlɛsa ngɔpagya ye ngosie berɛ bieku.”

Yohane 4:21

Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 21:21

Na ebiemɔ ahã ahyire bɛ kyɛ ekyirekyire Yudafoɛ amu bɔ bɛwɔ amaenmaen so ne kyɛ nnɛma bedi Mose mmeraa so; ɛnwa nnɛma bɛpɛ bɛ mma bienzua anaakyɛ bedi Yudafoɛ amanneɛ so.

Asomafoɛ 25:8

Nakoso Pɔɔlo sale ye nwo kyɛ, “Nnyɔle hwee nndiale Yudafoɛ mmeraa, anaa asɔneyɛɛ sua ne, anaa Roman hene Kaesare.”

Asomafoɛ 26:3

ye titire ne, wɔ de ɛse Yudafoɛ amanneɛ mukoraa ne nningyein ahoroɔ bɔ yɛsu bɛ nwo aporowaa ɔ. Yiti mesrɛ wɔ ala, nya aboterɛ na tie me.

Asomafoɛ 28:17

Ye ɛlɛsa ne aso, Pɔɔlo tole ye sa frɛle Yudafoɛ mbanyi bɔ bɛwɔ Rome maa beyiale, na osele bɛ kyɛ, “Aliɛmaa mɔ, ɔwɔ nu kyɛ manyɔ tɛɛ biala mandia yɛ mmenia anaakyɛ yɛ nana mɔ amanneɛ ne de, nakoso Yudafoɛ maa bɛtole me kuku nu wɔ Yerusalem, na bɛfale me bewurale Romanfoɛ sa.

Galatiafoɛ 3:19

Afei mmeraa ne botaeɛ ole sɛɛ? Mmeraatolɛ ti yeɛ ɔmaa bɛfa bɛbokale so ɔ, kɔpem kyɛ Abraham bosoniɛ bɔ yiti yeɛ bɛhyɛle bɔ ne ɔkɔwa ɔ. Nyameɛ hyehyɛle mmeraa ne, na ɔnate abɔfo mɔ so yeɛ ɔhyehyɛle ye wɔ ndamgyinaniɛ bie sa nu ɔ.

Galatiafoɛ 3:23

Na anzana gyidie baawa ne, bɛfale yɛ bewurale mmeraa bo bɛwɛnene yɛ bɛmane gyidie bɔ né bɛbaala ye ali bekyire ne.