Asomafoɛ 6:10 - AHYERƐLƐ KRONGRON

¹⁰ Nakoso bangora bangyina nworɛ ne sunzum bɔ Setefano fa dwudwole ne noa.

Asomafoɛ 6:10 Iomraidhean Croise

YOB NWOMAA NE 32:18

Ofikyɛ edwirɛ bɔ mebaaha ne, ɔsone paa, na sunzum bɔ ɔwɔ me nu ne yeɛ ɔtwe me sa ɔ.

YOB NWOMAA NE 32:8

Nakoso sunzum bɔ ɔwɔ sona nu ne, Tuminiɛ ne, ye nwomeɛ bɔ ɔwɔ sona nu ne yeɛ ɔma sona nwu nworɛ ɔ.

Ɛksadɔso 4:12

Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Yesaya 54:17

Akodeɛ biala bɔ babɔ bafa batia wɔ ne, ɔngɔyɛ adwuma, yeɛ noa biala bɔ okodwɔso kotia wɔ wɔ ndɛenbualɛ nu ne, ɛkɔsa wɔ nwo maa okoli fɔ. AWURADE somvoɛ mɔ, b’agyapadeɛ ne bɛ tenenee bɔ ofi me berɛ hɔ ɛne, AWURADE noa dwirɛ ɛne.”

Yeremia 15:20

Na ngɔfa wɔ ngogyina berɛ kyɛ kɔɔbere fasue bɔ nu amia ɔ ngɔma maen he. Bɛkɔho bekotia wɔ, nakoso bengoli wɔ so ngonim, ofikyɛ ngyi wɔ si, kyɛ mede wɔ ngoa ná mepepɛ mede wɔ, AWURADE noa dwirɛ ɛne.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Mika 3:8

Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Luka 1:17

Ɔkɔfa Elia sunzum ne ye tumi koli ye nyunu kɔkakyi seɛ mɔ b’adwene kɔwa mma mɔ so ɔne asoserɛfoɛ kɔhɔ teneneefoɛ nworɛ nwo, na okosiesie maen bɔ waboaboa ye nwo ɔ kɔma Awurade.”

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Yohane 7:46

Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!”

Asomafoɛ 5:39

Nakoso sɛ ofi Nyameɛ berɛ a, ɛmɔngɔhora bengogu ye, na sɛ ɛmɔannea yé a, Nyameɛ yeɛ ɛmɔkɔho bekotia ye ɔ.”

Asomafoɛ 6:11

Yiti bɛpesa bewurale mmenia biemɔ noa maa bɛhane kyɛ, “Yɛtele kyɛ ɔkã musue dwirɛ otia Mose ne Nyameɛ ɔ.”

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

1 Korintofoɛ 2:4

Mamva sona nworɛ ne tetateta yeɛ ngane me dwirɛ ná nyɔle me ngyerɛkyerɛ ɔ; na mmom mvale Sunzum ne ɔne tumi yeɛ nyɔle adwuma ɔ,