Asomafoɛ 6:1 - AHYERƐLƐ KRONGRON

¹ Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Asomafoɛ 6:1 Iomraidhean Croise

YOB NWOMAA NE 29:13

Mmenia bɔ né bɛwɔ anwokyere piri paa nu ne, beyirayirale me, na mmane akunafoɛ mmrasua bɛ wora kyekyele.

YOB NWOMAA NE 31:16

“Bɛ bɔ bɛyɛ anwumvo ne, aso mafa bɔ behia ɔ mabɔ bɛ atianuserɛ, anaa mama akunafoɛ mmrasua bafa bɛ nye bato me so mbaen?

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 72:16

Ma aleɛ obu so wɔ aseɛ ne aso, maa aleɛ ɔhye wɔ mmokaa nemɔ aso po, ma ye aleɛ ɔyɛ kyɛ Lebanon; na ma mmenia benyi frɔmfrɔm wɔ nguro nemɔ aso kyɛ aseɛ so ndire.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 27:6

Mmerɛ bie baawa, Yakob kotira ndii, Yisrael kɔfefɛ kɔbɔ nyerɛen, na ɔkɔma ye mma koyi ewiase amukoraa tɛkyɛ.

Yeremia 30:19

Asennaa dwein kofi bɛ nu kɔwa, yeɛ esebɔlɛ koso kofi bɛ nu kɔwa. Ngɔmaa bɛkɔta bɛkɔyɛ pee, na bɛngɔyɛ kãa bie. Ngɔmaa bekonya animnyam koso, na bɛ nyunu ngogua ase.

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 2:45

Bɛtɔnene b’agyapadeɛ ne bɛ nwo nningyein, na bɛhyɛle sikaa ne bɛmane ebiala kyɛbɔ ohia ɔ.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 4:35

bɛbrɛle asomafoɛ ne; na bɛ koso bɛhyɛ bɛmane ebiala nyane bie, kyɛbɔ ohia ɔ.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 5:14

Nakoso mmienzua ne mmrasua pee bɔ belele Awurade belili ne hɔle so bokale agyidifoɛ fekue ne aso.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 6:2

Ye sɔ ati, asomafoɛ buru ne nyɔ nemɔ bɛfrɛle asuafoɛ kure ne maa beeyiale, na besele bɛ kyɛ, “Onhia kyɛ yɛyakyi Nyameɛ dwirɛ ne hanɛ yɛto berɛ, ná yɛfa aleɛhyɛlɛ yɛyɛ yɛ adwuma ɔ.

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Asomafoɛ 9:29

Asa koso, ɔhane bie hyirele Yudafoɛ bɔ bɛkã Hela dwudwolɛ; ɔne bɛ suli aporowaa, na bɛyɛle kyɛ bekohũ ye.

Asomafoɛ 9:39

Yiti Petro dwɔsole, na ɔne bɛ hɔle. Oodwuli berɛ, na bɛne ye hɔle aborɔsaen ne aso. Yeɛ akunafoɛ mmrasua ne amukoraa beegyinagyinane ye nwo berɛ bɔ né besũ ɔ, na bɛfale ndaadeɛ ne ndena bɔ Dɔkase pombale wɔ mmerɛ bɔ né ɔne bɛ wɔ berɛ ne behyirele ye.

Asomafoɛ 9:41

Petro sɔle ye sa maa odwɔso gyinane berɛ. Na ɔfrɛle agyidifoɛ nemɔ, akunafoɛ mmrasua nemɔ koso boka so, na ɔfale bɔ wawu watingye ne mane bɛ.

Romanfoɛ 12:7

sɛ ɔte ɛsolɛ a, ɛmɔma yɛso; sɛ ɔte ngyerɛkyerɛ a, ɛmɔma yɛhyirehyire;

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

2 Korintofoɛ 11:22

Bɛte Hebrifoɛ anaa? Me wora nde bie. Bɛte Yisraelfoɛ anaa? Me wora nde bie. Bɛte Abraham boso ama anaa? Me wora nde bie.

Deuteronomi 26:12

“Afoɛ bɔ ɔtɔ so nza ne anu, bɔ ɔte buru nu ngyɛmuɛ ko afoɛ ne, sɛ ɛye wɔ boo nu aleɛ buru nu ngyɛmuɛ ko mukoraati yie, ná ɛfa ma Lewifoɛ, ɛwɔfoɛ, ayisiaa ne akunafoɛ, maa bedi ma bɛ ko yi wɔ wɔ kuro berɛ a,

Filipifoɛ 3:5

Ye ɛlɛbɔtwɛ ne aso yeɛ bɛpɛle me bienzua ɔ. Mvi Yisrael bosofoɛ nu, mvi Benyamin abusua kure nu, Hebrifoɛ nu Hebriniɛ; na mmeraa ne aso lilɛ de, nde Farasiiniɛ;

1 Timoteo 5:3

Boka mmrasua akunafoɛ bɔ belle bie ɔ.

1 Timoteo 5:9

Nnɛfa brasua kunaniɛ biala boka so, sana wali afoɛ aburasia bɔ ɔkɔ ɔ, bɔ ogyale biaa komapɛ ɔ;

Hebrifoɛ 13:1

Ɛmɔhɔ so behurohuro bɛ nwo dwirɛ kyɛ aliɛmaa.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yakobo 4:5

Anaakyɛ ɛmɔdwene kyɛ Ahyerɛlɛ ne kã ye mbaen, kyɛ, “Ɔtwe ye sunzum bɔ ɔte yɛ nu ne nwo nungunɛ” ɔ?

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.