Asomafoɛ 5:9 - AHYERƐLƐ KRONGRON

⁹ Yeɛ Petro sele ye kyɛ, “Nzu ati yeɛ ɛmɔahã ɛmɔ ti bapura kyɛ ɛmɔso Awurade Sunzum ne bɛnea ɔ? Nea, mmenia bɔ besiele ehu ne bɛwɔ anoanu berɛ, na bɛkɔsoa wɔ koso bekofi wa bɛkɔhɔ.”

Asomafoɛ 5:9 Iomraidhean Croise

Gyenesise 20:13

Na mmerɛ bɔ Nyameɛ maa ndu mvili me se awuro ngyinikyinini nen, nga ngyirele ye kyɛ, ‘Mepena kyɛ ɛyɔ me sɔ paa he: nekaa biala bɔ yɛkɔhɔ ne, ka kyɛ, ‘Nniɛma ɔ’ ”

2 Ahemvo 6:32

Yiti ɔsomane sona kyɛ ɔhɔ Elisa berɛ. Né Elisa te ye awuro, bɔ né mbanyi mɔ tete ye nwo berɛ ɔ. Anzana bɔfoɛ ne baadwu berɛ ne, Elisa hã hyirele mbanyi nemɔ kyɛ, “Ɛmɔse kyɛ kodiawuniɛ ne, wasoma sona kyɛ ɔɔpɛ me ti ɔ? Sɛ bɔfoɛ ne badwu wa a, ɛmɔnea kyɛ ɛmɔkɔto anoa ne asi bɔ ongonya ate ngowura nu ɔ. Mete ye mene Yisrael hene ye gya bo so kyɛ oli ye si ɔba.”

Edwein 50:18

Sɛ enwu awueniɛ a, ɛne ye betira abiɛngoɛ, na ɛne agyaasɛkyelɛfoɛ yeɛ betu nu ɔ.

Edwein 78:56

Nakoso besole Anwuro Anwuro Nyameɛ ne bɛneane, bɛyɛle ye nwo lɔen. Banni ye noa dwirɛ so,

Ɛksadɔso 17:2

Yiti ɛlɔen ne ne Mose nyane dwudwolɛ, na besele kyɛ, “Ma yɛ nzue ma yɛno.” Na Mose buale bɛ kyɛ, “Nzu ati yeɛ ɛmɔbɔ me somoɛ ɔ? Nzu ati yeɛ ɛmɔso AWURADE bɛnea ɔ?”

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Anyandera 11:21

Nahorɛ nu, bɔnefoɛ ngɔfa ye nwo ngoli tɔtorɔtɔɔ, nakoso teneneefoɛ de, bɛ bosofoɛ konya bɛ ti bekodidi nu.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Mateo 4:7

Yesu buale ye kyɛ, “Bahyerɛ ye bieku kyɛ, ‘Nneso Awurade wɔ Nyameɛ nea!’ ”

Luka 16:2

Yiti ɔfrɛle ye bisale ye kyɛ, ‘Nzikyɛ dwirɛ yeɛ metete mefa wɔ nwo ye? Wɔ nhwɛsoɛ adwuma ne, bra baabu ye nwo ngondaa, ofikyɛ mengɔma ɛngɔyɛ hwɛsoniɛ adwuma ne ko.’

Asomafoɛ 15:10

Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ?

Asomafoɛ 5:6

Na mmerandeɛ ne dwɔsole bɛfale nikyee bɛkyekyele ye nwo, na bɛfale ye befitele beesiele ye.

Romanfoɛ 10:15

Na sɛ banzoma mmenia a, ɔkɔyɛ sɛɛ ná babɔ edwirɛ ne dawure? Kyɛbɔ bahyerɛ ye kyɛ, “Bɛ bɔ bɛso ndɛenvɛen bɛnate ne, kyɛbɔ bɛ gya bo osi yɛ nyemene ɔ!”

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.