Asomafoɛ 5:5 - AHYERƐLƐ KRONGRON

⁵ Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Asomafoɛ 5:5 Iomraidhean Croise

2 Ahemvo 2:24

Ɔpɛnene ye nye neane bɛ, na ɔfale AWURADE dumaa payele bɛ. Yeɛ kwabrafo beleɛ nyɔ fili eburo bɛɛtetele mmɛɛmaa nemɔ anu aburanna ne nyɔ nu pasapasa.

1 Aberɛso Dwirɛ 13:12

Sɔ kyẽa ne, Dawide surole Nyameɛ, na ɔhane kyɛ, “Ɔkɔyɛ sɛɛ né mahora mafa Nyameɛ alaka ne mahɔ m’awuro?”

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 64:9

Afei ɛserɛ kɔtɔ mmenia amukoraa so, na bɛkɔbɔ bɔ Nyameɛ wayɔ ɔ nwo dawure, ná badwene bɔ wayɔ ɔ nwo.

Yeremia 5:14

Yiti AWURADE, Asafo Nyameɛ nwa: “Ɔnate kyɛ ɛmɔkã sɔ dwirɛ ne ati, tie, ngɔma me dwirɛ ne kɔkakyi see wɔ wɔ noa nu; maen he kɔkakyi eyein, na see kɔyera bɛ dwɛɛ.

Hesekiel 11:13

Na ɔwale kyɛ, mmerɛ bɔ ngu so mehyɛ ngɔm ne, Benaya awa Pelatia wuli. Yeɛ mvale me nyunu mmutuli ase, na ndeane nu serɛserɛ kyɛ, “Ao, AWURADE Nyameɛ, aso ɛbaanua Yisraelfoɛ bɔ baha ne bɛ boso anaa?”

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Asomafoɛ 13:11

Tie, Awurade kotua wɔ kerɛ kekesaala ye; wɔ nye kosi, na engonwu eyia ko, sana mmerɛ kãa pɛ nu.” Na berɛ ne ala awosii ne ɛborɔ katale Elima nye so maa ofuafuale penane sona bɔ ɔkɔsɔ ye sa kohyire ye atee ɔ.

Asomafoɛ 2:43

Asomafoɛ ne yɔle nzɛngyerɛnneɛ ne anwanwadeɛ pee, na bɛ nwo yɛle sona biala suro.

Asomafoɛ 5:13

Na bɛ bɔ né bɛnne agyidifoɛ fekue ne anu ne, ebiala anzi ye adwene pi kyɛ ɔkɔboka bɛ so ɔ, ɔwɔ nu kyɛ né mmenia ka bɛ nwo dwirɛ paa de.

1 Korintofoɛ 4:21

Beni yeɛ ɛmɔkuro ɔ? Kyɛ ngɔfa mbire, anaakyɛ ngɔfa ɔdɔ ne anwobrɛaseɛ ngɔwa ɛmɔ berɛ ɔ?

2 Korintofoɛ 13:10

Yiti mekyerɛ krataa he mebrɛ ɛmɔ wɔ mmerɛ bɔ nne ɛmɔ berɛ ɔ, amaa sɛ meba a, Awurade tumi bɔ wafa wama me ne, mamva so me ne ɛmɔ yanni ye weewee. Ofikyɛ nna ɛmɔ asefinɛ, na mmom ɛmɔ ngɔsoɛ ti yeɛ nyane sɔ tumi ne ɔ.

2 Korintofoɛ 13:2

Mmɔle bɛ bɔ daa ne bɛyɛle bɔne, ne bɛ bɔ baha ne amukoraa kɔkɔ, na kekesaala ye bɔ nne ɛmɔ berɛ ye koso, mesi so bieku, kyɛbɔ nyɔle ye mmerɛ bɔ nzrale ɛmɔ ye pɛen nyɔ so ne kyɛ, sɛ meba berɛ bieku a, mengɔfa bɛ nwo ngɔhyɛ bɛ.

2 Korintofoɛ 7:11

Na sɔ aworabɔlɛ he bɔ ɔnate Nyameɛ surolɛ so wawa ye, ɛmɔnea dwumadie paa bɔ wali wɔ ɛmɔ nu ɔ: bɛ noa yelɛ nu, ahinzɛm nu, ɛserɛ nu, me nwo aworadɔlɛ, ɛmɔ mmɔdenbɔlɛ nu, ɔne wereɛtɔlɛ nu. Na atee biala so ɛmɔahyire kyɛ ɛmɔnni fɔ wɔ ɛhemɔ nwo.

Deuteronomi 13:11

Na Yisraelfoɛ amukoraati bɛkɔte, bekosuro, na bɛngɔyɔ amumuyɛɛ bɔ ɔte sɔaa ko wɔ ɛmɔ nu.

Deuteronomi 21:21

Na afei ɔsɛ kyɛ kuro berɛ ama mukoraati boro ye nyɔboɛ beku ye. Yiti ɔsɛ kyɛ etu bɔne ne bo fi wɔ nu; na Yisrael mukoraati kɔte ná basuro.

Yosua 22:20

Nningyein bɔ AWURADE tu siele berɛ kyɛ yɛsɛkye ye ne, aso Sera awa Akan wando ye nwo mmeraa ne? Aso ɔnate sɔ ati Nyameɛ amvɛ Yisraelfoɛ amukoraati so yaa? Ye amumuyɛɛ bɔ ɔyɔle ne, ye ngome yeɛ owuli ɔ?”

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 11:5

Na sɛ ebie yɛ kyɛ ɔha bɛ a, see fi bɛ noa nu bayera bɛ pɔfoɛ mɔ; yeɛ sɛ ebie yɛ kyɛ ɔha bɛ a, sɔ ala yeɛ ɔsɛ kyɛ beku ye ɔ.