Asomafoɛ 5:42 - AHYERƐLƐ KRONGRON

⁴² Na alehyeleɛ biala, bɛhɔle asɔneyɛɛ sua ne anu ne awuro awuro mɔ nu bɛyɛle ngyerɛkyerɛ, na bɛhane Yesu nwo nzɛmba kyɛ ye ole Kristo ne.

Asomafoɛ 5:42 Iomraidhean Croise

2 Samuel 6:22

Ngɔyɔ bɔ ɔtra sɔ koraa, maa ekobu me kyɛ magua me nyunu ase. Nakoso afaneɛ mɔ bɔ ɛkã bɛ nwo dwirɛ ne, bɛ yeɛ bɛkɔhyɛ me animnyam ɔ.”

Luka 21:37

Ɔyɛle ngyerɛkyerɛ daa biala wɔ asɔneyɛɛ sua ne anu, na aleɛ dwo a, né ofi berɛ kɔtena bokaa bɔ bɛfrɛ ye Olive Bokaa ne aso.

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 13:32

Na yɛ de, nzɛmba ne yeɛ yɛfa yɛbrɛ ɛmɔ ɔ,

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 20:20

Yeɛ dwaaso ne ɛmɔ awuro nu nzɛmbahanɛ ne ngyerɛkyerɛ bɔ nyɔle ne, mangata nikyee biala bɔ ɔkɔboka ɛmɔ ɔ so;

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Asomafoɛ 4:29

Awurade, kekesaala ye de, nea b’anwunanwuna ye ná ma wɔ ngoaa ahoneserɛ bɔ yɛkɔfa yɛkɔhã wɔ dwirɛ ne ɔ.

Asomafoɛ 8:35

Na Filipo dwudwole, na ɔhyɛle ye bo fale Ahyerɛlɛ he anu dwirɛ hane Yesu nwo nzɛmba ne hyirele ye.

Asomafoɛ 8:5

Filipo hɔle Samaria kuro bie aso, na ɔhane Kristo nwo dwirɛ hyirele berɛ ama.

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

1 Korintofoɛ 2:2

Ofikyɛ nyɛle m’adwene kyɛ membena kyɛ menwu nikye fee wɔ ɛmɔ nwo, sana Kristo ne ye mmeamudua ne aso wue.

Galatiafoɛ 1:16

kyɛ ɔkɔla Ɔwa ne ali kohyire me, amaa ɔnate so mahã ye nwo nzɛmba ne mahyire Amaenmaensofoɛ ne, berɛ ne ala manzusu ye nwo mangyire sona biala.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.