Asomafoɛ 5:41 - AHYERƐLƐ KRONGRON

⁴¹ Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Asomafoɛ 5:41 Iomraidhean Croise

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 65:14

Ɛ́mɔtie, me somvoɛ mɔ bɛkɔto anigye dwein wɔ b’ahone nu, nakoso ɛmɔ de, ɛmɔkosu bekoli yealɛ wɔ ɛmɔ ahone nu, na ɛmɔkɔbɔ awuye bekoli aworabɔlɛ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Asomafoɛ 5:21

Na bɛtele sɔ dwirɛ nen, bɛhɔle asɔneyɛɛ sua ne anu alebahyene, bɛɛyɛle ngyerɛkyerɛ. Na ɔsɔfo panyi paa ne, ɔne bɛ bɔ bɛboka ye so ne wale, na bɛtole asaa bɛfrɛle badwafoɛ nemɔ ne Yisrael mbanyi mukoraa maa beyiale, na bɛsomane mmenia kyɛ bɛɛye asomafoɛ ne befi kuku nu dɔ bɛbra.

Romanfoɛ 5:3

Nna ɛhe angome, na mmom yɛhoahoa yɛ nwo wɔ yɛ amaneɛnwunɛ nu koso, ɔnate kyɛ yɛse kyɛ amaneɛnwunɛ ma sona nya animia;

2 Korintofoɛ 12:10

Na ɔnate Kristo ti, me nye gye wɔ mmerɛyɛlɛ nu, alapaa bɔ bɛbɔ me nu, anwokyere nu, ndaneanyeɛ nu, aworabɔlɛ nu; ofikyɛ sɛ meyɛ mmerɛ a, yeɛ me nwo yɛ se ɔ.

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Yakobo 1:2

Nniɛma mɔ, sɛ nzɔhwɛ ahoroɔ toto ɛmɔ a, ɛ́mɔbu ye kyɛ ɔte anigye nikye;

3 Yohane 1:7

Ofikyɛ ɔnate ye ti yeɛ besili nu bɛhɔle ɔ, na banne hwee bamvi Amaenmaensofoɛ berɛ.