Asomafoɛ 5:40 - AHYERƐLƐ KRONGRON

⁴⁰ Yiti bɛfale ye foɛtulɛ ne. Na bɛfale asomafoɛ nemɔ besa bɛwale badwa nu berɛ nen, befini bɛ mbire, na bɛkanzole bɛ kitii kyɛ nnɛma bedwudwo wɔ Yesu dumaa nu, na bɛyakyili bɛ maa bɛhɔle.

Asomafoɛ 5:40 Iomraidhean Croise

Anyandera 12:10

Teneneeniɛ ɔdwene ye nyɛmmoa nwo, nakoso bɔnefoɛ de, ye anwumvoinnwunɛ po ɔte atianuserɛ.

Yesaya 30:10

Na bese mmenia bɔ bɛse ase ne kyɛ, “Nnɛma ɛmɔnwu nikye”; yeɛ bese ngɔmhyɛlɛfoɛ koso kyɛ, “Nnɛma ɛmɔhyɛ edwirɛ nahorɛ nwo ngɔm bekyire yɛ; na mmom ɛmɔhã edwirɛ bɔ ɔyɛ yɛ so anu fɛ ɔ behyire yɛ, ɛ́mɔli ngɔndorɔ,

Amose 2:12

“Nakoso ɛmɔmane nasiritefoɛ nemɔ nzaa maa bɛnone, na ɛmɔhyɛle ngɔmhyɛlɛfoɛ nemɔ kyɛ, ‘Nnɛma ɛmɔhyɛ ngɔm!’

Mika 2:6

Bese bɛ bɔ bɛhyɛ ngɔm nemɔ kyɛ, “Nnɛma ɛmɔhyehyɛ ngɔm, nnɛma ebiala hyɛ ɛhemɔ nwo ngɔm kyire bɛ, amaa ɔnate so animguaseɛ anga yɛ.”

Mateo 10:17

Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Luka 20:10

Na bobe mmaa telɛ dwuli ne, ɔsomane ye somvoɛ ko maa ɔhɔle hwɛsofoɛ nemɔ berɛ, kyɛ bɛ́ma ye bobe boo ne anu mmaa ne bie. Nakoso hwɛsofoɛ nemɔ bole ye, na bɛmaa osa hɔle nzanza.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

2 Korintofoɛ 11:24

Yudafoɛ mbire bɔ befi ye aburanna ne, pɛen nnu mumua yeɛ bɛtetele so ngoko na bɛfale ye ngaa ne befini me ɔ.