Asomafoɛ 5:39 - AHYERƐLƐ KRONGRON

³⁹ Nakoso sɛ ofi Nyameɛ berɛ a, ɛmɔngɔhora bengogu ye, na sɛ ɛmɔannea yé a, Nyameɛ yeɛ ɛmɔkɔho bekotia ye ɔ.”

Asomafoɛ 5:39 Iomraidhean Croise

Gyenesise 24:50

Na Laban ne Betuel bebuale kyɛ, “Edwirɛ he fi AWURADE berɛ, yiti yɛngɔhora yɛngosi ye nwo ate.

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

1 Ahemvo 12:24

‘AWURADE nwa nyoo: Nnɛma ɛmɔkɔfa koɛ bɛtoa ɛmɔ aliɛma mɔ Yisraelfoɛ. Ebiala ɔhɔ ye awuro, ofikyɛ bɔ wasi ne, me yeɛ mamaa wasi ɔ.’ ” Yiti betiele AWURADE dwirɛ ne, na besa bɛhɔle b’awuro, kyɛbɔ AWURADE nate ye dwirɛ so ɔhyɛle bɛ ne ala.

2 Ahemvo 19:22

‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa ye? Yisrael Krongronniɛ ne yeɛ ayɔ ɛhe atia ye ɔ!

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 43:13

“Me ole Nyameɛ. Ofi tetetete, Me ole Ye, ebiala ngɔhora ngofoti nikyee ngofi me sa nu, sɛ meyɔ nikyee a, nwa yeɛ ɔkɔhora kɔsesã ye ɔ?”

Yesaya 45:9

“Sona bɔ ɔne Nyameɛ bɔ ɔbɔle ye ɔ bɛpere so ne, ye yaakɔ! Bua bɔ ɔne sona bɔ ɔnwone ye ɔ bɛpere so ne, ye yaakɔ! Aso ɛfaa obisa sona bɔ ɔfa ye nwo nikyee ne kyɛ, ‘Nzikyɛ yeɛ ɛyɔ e’? Anaakyɛ: ‘Bɔ anwo ne, olle asaa?’

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Asomafoɛ 11:17

Na sɛ Nyameɛ yeɛ ɔfale akyɛdeɛ komapɛ ne mane bɛ, kyɛbɔ ɔfa mane yɛ wɔ mmerɛ bɔ yɛlele Awurade Yesu Kristo yɛlili ne a, né me ole nwa bɔ mekora mesi Nyameɛ ate ɔ?”

Asomafoɛ 23:9

Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Asomafoɛ 9:5

Na obuale kyɛ, “Wɔ nwa ɛne, Awurade?” Na osele kyɛ, “Me ole Yesu bɔ ɛtane ye nye ne, [ɔyɛ se kyɛ ekotu wɔ gya kɔfa kɔwɔ nandwiehanɛniɛ ye pɔmaa noa buralɛ ɔ],

1 Korintofoɛ 1:25

Ɔnate kyɛ Nyameɛ nhyehyɛleɛ bɔ bebu ye ngwaseasɛm ne, nworɛ wɔ nu tra adasammaa nworɛ; yeɛ bɔ bebu ye kyɛ ɔte Nyameɛ mmerɛyɛlɛ nen, anwoserɛ wɔ nu tra adasammaa anwoserɛ.

1 Korintofoɛ 10:22

Anaa yɛpena kyɛ yɛwura Awurade apue maa ɔtwe nungunɛ hɔ ɔ? Yɛbu ye kyɛ yɛ nwo yɛ se tra ye anaa?