Asomafoɛ 5:35 - AHYERƐLƐ KRONGRON

³⁵ Na osele badwafoɛ nemɔ kyɛ, “Yisraelfoɛ, ɛ́mɔnea yé wɔ nikyee bɔ ɛmɔpena kyɛ ɛmɔfa bɛyɛ sɔ mmenia hemɔ ne anwo.

Asomafoɛ 5:35 Iomraidhean Croise

Yeremia 26:19

Aso Yuda hene Hesekia ne Yudafoɛ amukoraa behuni ye anaa? Aso wanzuro AWURADE, yeɛ aso wanzrɛ AWURADE kyɛ ɔlo ye, maa ɔnate so AWURADE wanzesã ye adwene wɔ musue bɔ ɔhane kyɛ ɔkɔprapra kogua bɛ so ne anwo anaa? Nakoso yɛ de, musue piri paa yeɛ ɛmɔmaa yɛtwetwe yɛbrɛ yɛ nwo ɔ!”

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Asomafoɛ 19:36

Ɔnate kyɛ biala ngɔhora ngosu ɛhe nwo aporowaa ne ati, ɛmɔma b’ahone ɔ́tɔ nzue nu, na nnɛma ɛmɔyɔ basabasa biala.

Asomafoɛ 22:26

Na asraafoɛ ɛyaa so panyi ne tele sɔ dwirɛ nen, ɔhɔle safohene ne berɛ oobisale ye kyɛ, “Nzikyɛ nikye yeɛ ɛbaayɔ e? Sɔ biaa he te Romanniɛ!”

Asomafoɛ 5:34

Na badwafoɛ nemɔ anu ko dwɔsole. Ɔte Farasiiniɛ bɔ bɛfrɛ ye Gamaliɛl. Né ɔte mmeraa kyerɛkyerɛniɛ bɔ maen ne anu ama mukoraa bebu ye ɔ; na ɔmaa bɛfale asomafoɛ nemɔ befitele kãa.

Asomafoɛ 5:36

Ɛmɔkaye mmerɛ bie bɔ wapɛ nu ɔ kyɛ Teoda mane ye nwo so, na ɔyɛle ye nwo kyɛ sona titire bie, na mmenia kɔyɛ ɛyaa nna fale bɛ nwo bɔle ye lili ye si; nakoso behuni ye, na ye asuafoɛ ne amu bɔle aya, na bɔ ɔyɔle ne angɔanzi pasiliwa biala.