Asomafoɛ 5:33 - AHYERƐLƐ KRONGRON

³³ Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Asomafoɛ 5:33 Iomraidhean Croise

Mateo 1:19

Né ohu Yosef te sona bɔ ɔtengyɛ ɔ, na né onguro kyɛ okogua Maria nyunu ase ne ati, ɔyɛle ye adwene kyɛ okoyira ye kudɛɛ.

Mateo 10:21

“Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ maa bekohu bɛ.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

Luka 6:11

Nakoso bɛ de, b’ahone huli, na bɛhɔle agyina bɛpenane nikye horɛ bɔ bɛkɔfa bɛkɔyɛ Yesu ɔ.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Asomafoɛ 22:22

Ɛlɔen ne tiele Pɔɔlo tonn maa oodwuli edwirɛ he aso, na afei bɛteateane nu kyɛ, “Behu sɔ akoaa he befi aseɛ ye aso! Ɔnate kyɛ ɔmvata kyɛ ɔtena ase ɔ.”

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

Asomafoɛ 9:23

Ngyẽa kãa asi ne, Yudafoɛ ne yiale, na bɛbɔle Sɔɔlo ti so porɛ kyɛ bekohu ye,