Asomafoɛ 5:31 - AHYERƐLƐ KRONGRON

³¹ Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Asomafoɛ 5:31 Iomraidhean Croise

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Edwein 89:24

Me nahorɛlilɛ ne me ɔdɔ bɔ onni ngasi ne, bekogyina ye si; na me dumaa nu yeɛ ɔkɔhɔ so konya anwoserɛ ɔ.

Yesaya 43:11

Me, me ole AWURADE, na defoɛ biala nne berɛ ko bɔ ɔboka me so ɔ.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yesaya 49:26

Bɛ bɔ bɛhyɛ wɔ so ne, ngɔfa bɛ bɔbɔ bɛ nwonaen maa bekoli, na bɛ bɔbɔ bɛ mogya kɔbo bɛ kyɛ nzaa. Na afei anwoɔnaen amukoraa konwu ye kyɛ me, AWURADE, me ole wɔ Ngoadefoɛ ne wɔ Defoɛ, Yakob ye Tuminiɛ ne.”

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

Hesekiel 34:24

Na me, AWURADE, ngɔyɛ bɛ Nyameɛ, na me somvoɛ Dawide yeɛ ɔkɔyɛ bɛ so panyi kotua bɛ noa ɔ; me, AWURADE, me yeɛ mahã ɔ.

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Daniel 10:21

Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Marko 2:10

Na kyɛbɔ ɔkɔyɛ bɔ ɛmɔkonwu kyɛ Sona Awa ne ole tumi wɔ aseɛ so, kyɛ ɔfa bɔne kyɛ ti ɔ,” na osele bubuaniɛ ne kyɛ,

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 4:42

Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 13:23

Sɔ biaa he, ye bosofoɛ nu yeɛ Nyameɛ yele Yisrael Ngoadefoɛ Yesu, kyɛbɔ ye bɔhyɛ te ne.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Asomafoɛ 4:11

Na ɛhe ole ‘Nyɔboɛ bɔ ɛmɔ suasilɛfoɛ apo ye, nakoso waayɛ ndweasoɛ nyɔboɛ titire ɔ.’

2 Korintofoɛ 2:10

Na sona bɔ ɛmɔkɔfa ye nwo bɛkɔhyɛ ye ne, me koso mefa mekyɛ ye. Na sɛ mafa edwirɛ bie mahyɛ a, sona bɔ mva ngyɛle ye ne, ɔnate ɛmɔ ti yeɛ mafa mahyɛ ye wɔ Kristo nyunu ɔ;

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Filipifoɛ 3:20

Nakoso yɛ de, nyameɛso yeɛ ɔte yɛ maen ɔ. Berɛ yeɛ yɛnwondɛ kyɛ yɛ Ngoadefoɛ bɔ ye ole Awurade Yesu Kristo ne okofi kɔwa ɔ;

Kolosefoɛ 1:14

na ye nu yeɛ yanya ngoalelɛ bɔ ɔte bɔnefakyɛ ɔ.

Tito 1:4

na mékyerɛ mebrɛ Tito, bɔ ɛte me bɔbɔ mma wɔ gyidie komapɛ ne ala nu ɔ. Adom, anwumvoinnwunɛ ne asomdwee bɔ ofi Baba Nyameɛ ne yɛ Ngoadefoɛ Awurade Yesu Kristo berɛ ɔyɛ wɔ deɛ.

Tito 2:10

anaa bɛyɛ bɛ so awue mmaa mmaa; na mmom ɔsɛ kyɛ bɛda nahorɛ paa amukoraa ali, amaa ɔnate so bama yɛ Ngoadefoɛ Nyameɛ ngyerɛkyerɛ ne wanya anidie wɔ nikyee biala nu.

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.

2 Petro 2:20

Na sɛ bɛnate y’Awurade ne yɛ Ngoadefoɛ Yesu Kristo nwo nimdeɛ so banwati bafi wiase bra fiɛ nu, ná nziɛ ye bɛma sɔ bra fiɛ ne osa kye bɛ odi bɛ so a, ye de bɛ nziɛ ye asetena ne ɔte bɔne tra bɛ daa asetena ne.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,