Asomafoɛ 5:26 - AHYERƐLƐ KRONGRON

²⁶ Yeɛ asɔneyɛɛ sua so safohene ne ne ye asraafoɛ nemɔ hɔle bɛɛfale asomafoɛ nemɔ bɛwale. Banyɔ ye patapaa so, ofikyɛ né besuro kyɛ mmenia kɔboro bɛ nyɔboɛ.

Asomafoɛ 5:26 Iomraidhean Croise

Mateo 14:5

Ye sɔ ne ati, né Herode kuro kyɛ oku Yohane, nakoso né osuro mmenia ne, ofikyɛ né bebu Yohane kyɛ ɔte ngɔmhyɛlɛniɛ.

Mateo 21:26

Yeɛ sɛ yɛkã kyɛ, ‘Ofi mmenia berɛ’ a, yɛsuro mmenia worawora ne, ofikyɛ bɛ mukoraa bebu Yohane kyɛ ɔte ngɔmhyɛlɛniɛ.”

Mateo 26:5

Na bɛhane kyɛ, “Yɛngɔyɔ sɔ wɔ aluolue ne abo, anyɔ a né mmenia ayɔ basabasa wɔ maen ne anu.”

Mateo 26:58

Nakoso Petro de, olili ye si wɔ nziɛ nziɛ oodwuli ɔsɔfo panyi paa n’aluo berɛ, owurale nu, na ɔne somvoɛ nemɔ bɛtenane ase kyɛ ɔnea edwirɛ n’ayieleɛ.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

Luka 20:6

Yeɛ sɛ yɛkã kyɛ, ‘Ofi mmenia berɛ’ a, mmenia ne amukoraa bɛkɔboro yɛ nyɔboɛ; ofikyɛ bede bedi amba kyɛ Yohane te ngɔmhyɛlɛniɛ.”

Luka 22:2

Né asɔfo mbanyi ne ahyerɛlɛfoɛ nemɔ bɛpena atee bɔ bɛkɔfa so bekohu Yesu ɔ, ofikyɛ né besuro ɛlɔen ne.

Luka 22:4

Yiti osili nu hɔle asɔfo mbanyi ne asɔneyɛɛ sua nu awɛmvoɛ mbanyi nemɔ berɛ, na ɔne bɛ besusuli atee horɛ bɔ ɔkɔfa so kɔye Yesu kɔma bɛ ɔ nwo.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Asomafoɛ 5:13

Na bɛ bɔ né bɛnne agyidifoɛ fekue ne anu ne, ebiala anzi ye adwene pi kyɛ ɔkɔboka bɛ so ɔ, ɔwɔ nu kyɛ né mmenia ka bɛ nwo dwirɛ paa de.

Asomafoɛ 5:22

Nakoso mmerɛ bɔ asɔneyɛɛ sua nu awɛmvoɛ nemɔ dwuli berɛ nen, bannwu bɛ wɔ kuku nu berɛ; na besa bɛwale badwafoɛ ne berɛ beesele bɛ kyɛ,

Asomafoɛ 5:24

Na mmerɛ bɔ asɔneyɛɛ sua nu safohene ne ne asɔfo mbanyi nemɔ tele sɔ dwirɛ nen, bɛyɛle basaa; né bɛngora benwu nikye horɛ bɔ wato asomafoɛ nemɔ ɔ, ɔne edwirɛ bɔ ɔkɔwa ye si ɔ.

Asomafoɛ 5:25

Yeɛ ebie wale badwafoɛ ne berɛ ɔɔbɔle bɛ amaneɛ kyɛ, “Ɛmɔtie! Mmenia nemɔ bɔ ɛmɔhyele bɛ beguale kuku nu nen, begyigyi asɔneyɛɛ sua ne anu dɔ bɛyɛ ngyerɛkyerɛ bekyire mmenia.”